DiliPost.com- Atu Evita Komunidade sira husi Risku Dezastre Naturais, Hanesan Ai tohar,Primeiru-Ministru, Kay Rala Xanana Kayrala Gusmão ne’ebé hosi Ministru Obras Publika (MOP),Samuel Marçal, Orienta ekipa Bombeiros no Eletridade de Timor-Leste (EDTL) no Ekipa Saneamentu Munisipiu Dili hala’o atividade kua ai halihun boot iha parte Taibesi Matando Munisípiu Dili,Nune’e hodi bele Proteze Sidadaun sira husi Dezastre.
Atividade kua ai ne’e realiza, hafoin komunidade sira ne’ebé hela besi iha ai hun ne’e hato’o proposta ba Prmeiru-Ministru Xanana hodi husu ajuda kua ai ne’e, tanba ai hali hun boot ne’e ninia kondisaun komesa dodok ona no sei monu bainhira tempu udan no anin.
Komunidade Taibesi Dili, Lili Branco ho matawen hato’o agradese ba apoiu PM Xanana nian hodi halo intervensaun kua ain ne’e bele proteze ona sira hosi risku dezastre.
“Hanesan povu kiik, ami hato’o obrigadu barak ba Avo Nana no ekipa Bombeiros no EDTL mai ajuda ona mai ami, tanba ami tauk liu kuandu tempu udan no ain hali ne’e bele tohar monu ba ami nia uma leten,”Lili Agradese ba Parte Relevante sira Iha Lokal Tesi ai sabadu ne’e (2/12).
Iha fatin hanesan, Diretór Bombeiros Dili, Paulo Maia informa ekipa Bombeiro lori ekipamentu kompleitu hodi kua hali ne’e too kotu, tanba ekipa MOP, EDTL no Saneamentu Munisipiu Dili apoia transporte.
Nia dehan, iha primeira etapa ekipa kua uluk hali leten, depois kontinua kua nia hun, tanba hali ne’e pezu boot tama too estrada no komunidade uma.
Alende kua ai iha Taibesi, ekipa Bombeiros mós halo ona identifikasaun iha Dili laran liu-liu parte Pertamina Kuluhun nian sei kua ai boot ida ne’ebè nia hun no sanak moris tama too estrada.
Atividade ne’e hetan mos apoiu hosi komunidade sira hodi ajuda foti ai hirak ne’ebé tesi ona tula kedas ba karreta saneamentu nian hodi ba soe iha Lixu Tibar.
Fo hanoin Fali katak Iha Fulan Hirak ba Kotuk ,Ai Hali Hun Bo’ot sira iha Parte Taibesi Konsege Monu Hanesan ona Uma Komunidade nian balun inklui monu Hanesan Kareta no Airin Elektrisidade.(Javel)
