DILI Post-Xefe Departamentu Saúde Materna no Infatil Ministériu Saúde Lúcia Marta Lay hatete Timor Leste Okupa Terseiru Lugar taxa Mortalidade a’as tebes iha Rejiaun Sudeste Azeatiku.
“Koalia kona ba taxa Mortalidade antes ne’e ita iha ona taxa Mortalidade ne’ebe a’as iha Rejiaun Sudeste Azeatiku Timor-Leste agora iha terseiru lugar ba iha taxa Mortalidade, signifika katak ita iha taxa Mortalidade ida ne’ebé ke aas”,dehan Lúcia Marta Lay ba Jornalista sira iha Novu turismu lesidere.
Nia dehan, ho númeru ne’ebé mak antes ne’e iha taxa Mortalidade 500 no kongese reduz ba iha 218 no oan antes ne’e iha 19, tuir tarjeitu ne’ebé mak iha 2030 tenke tun ba 12.
“Númeru ita iha antes ita iha taxa Mortalidade hamutuk 500 Itál no ita konsege redus ona ba iha 218, ida ne’e ba iha taxa Mortalidade ba inan de’it, taxa ba Mortalidade ba oan antes ne’e ita iha 19 maibé ita konsege redus ona,no ita nian tarjeitu hakarak ba iha 2030 se ita hakarak redus ba 12 iha taxa Mortalidade iha oan nian,”nia dehan.
Nia informa, Ida ne’e estandar husi Organizasaun Saúde Mudiál, no agora Ministériu Saúde esforsu hela para iha 2030 ne’e hodi reduz taxa Mortalidade ba inan no oan.
“Mekanizmu sira mak hanesan ohin ha’u mensiona oan katak ita presiza halo kapasitasaun ba ita nia pessoál Saúde, sira hodi nune’e sira bele iha skiil ne’ebé di’ak atu nune’e bele fo atendimentu di’ak ba ita nia komunidade sira hotu, oinsá mak sira idetifika kona ba komplikasaun sedu hodi nune’e sira bele evita ba iha Mortalidade ne’e rasik,”nia hakotu.
Jornalista:octa
