COVALIMA (DILI Post)-Dadaun ne’e Stoke Aimoruk iha Sentru Saúde Tilomar Postu Administrativu Tilomar Munisipiu Covalima,Hamutuk item 53 Laiha Ka Mamuk,hodi Difikulta Atendemento Pesoal Saúde nian ba Pasiente sira.
Baseia Ba informasaun Ne’ebe mak relata Husi Xefe Sentru Saude Tilomar Carlito Sebastião Belo, katak Aimoruk ne’ebe iha Sentru Saude Tilomar hamutuk Item 175, maibe item 53 maka oras ne’e stoke out, nune’e iha de’it aimoruk item 122 mak sei sufisiente hodi atende Komunidade Sira ne’ebe ba Hala’o Tratamento Loron loron.
“Aimoruk iha item 175 ne’ebé ejiste iha Sentru Saude ida ne’e, no mos iha Aimoruk item 122 maka sei sufisiente tanba iha Aimoruk Antibiotik item 53 maka oras ne’e daudaun iha Sentru Saude ida ne’e laiha ona, inklui Aimoruk Antibiotik, Analbesic no Vitamina mos stocke out” Hateten Xefe Centru Saude Tilomar Carlito Sebastião Belo Ba Dilipost.com iha Nia Knar Fatin sesta Semana kotuk.
Xefe Sentru Saude ne’e Haktuir Ho Stoke Aimoruk ne’ebe menus Mak Pesoal Saude Deside Rekomenda ba Komunidade sira ne’ebe mak Hala’o Tratamento iha Sentru Saúde refere atu ba ,konsulta fali iha Postu saude sira seluk ne’ebe iha Area Juridiku Tilomar nune’e bele Simu aimoruk husi Doutor Sira.
Carlito Esplika Ho Problema laiha Aimoruk, mak Mediku sira Uza Alternativa Seluk hodi Fahe Aimoruk Ne’ebe Sei iha,ba Pasiente sira hodi bele Aguente Kondisaun Saude Pasiente sira nian.
“Iha Aimoruk Antibiotik oi-oin dala ruma ami uza Aimoruk Amocxilin barak liu, kuandu Stoke Amocxilin laiha ona ami troka fali ba Eletronicin ou Coutric ida ne’e maka maneira ne’ebé halo bazeia ba Stoke Aimoruk ne’ebé iha tanba Antibiotik sira ne’e ita hare ba ninia funsaun hanesan.” Nia Haktuir.
Ho Problema ne’ebe Akontese Dirijentes sira iha Sentru Saúde Tilomar, Hato’o Ona Pedidu ba Servisu Saúde Munisipiu Covalima, atu bele Responde ba Problema ne’ebe sira hasoru.
“Ho ida ne’e mak Stoke Out ami nia pesoal iha farmasista sira nafatin halo pedidu ba Saude Munisipiu hodi Fasilita Aimoruk, maske komunidade barak mai konsulta ami limita tiha hanesan Aimoruk Parcetamol sira ne’e ami fo kada loron tolu ninian de’it,para hodi sustenta sira seluk ne’ebé mai ho moras hanesan”.Imforma Nia.
Jornalista:Alito De Jessus
