DiliPost.com-Komunidade Filipina ne’ebé hela iha Timor-Leste (TL), husu ba Bring Him Home lori fila eis Prezidente Filipina Rodrigo Durtete hetan kapturasaun husi Polísia Kriminál Internasionál (INTERPOL), iha loron Tersa-feira (11/03/2025), hafoin simu karta kapturasaun hasa’i husi ICC hodi haruka fila ba nia Nasaun Filipina.
“Ami nia eis Prezidente Filipina, Rodrigo Durtete sira, ka’er lori ba Nasaun Nederland-Belanda. Ami hakarak Bring Him Home lori fila ami nia eis Prezidente fila ba nia rai Filipina.
Nia halo ona tinan-80, tan ne’e, ohin loron ami realiza atividade iha ne’e, ezije atu lori fila ami nia eis Prezidente ba rain rasik,”hateten reprezentane sidadaun Filipina iha TL, Alrashid Adam iha Cristo Rei, foin lalais ne’e.
Justisa
Alrashid Adam hatutan, sira hakarak Bring Him Home lori fila ami nia eis Prezidente Filipina Rodrigo Durtete fila, mai nia rain Filipina. Nune’e, sidadaun Filipina iha TL husu ba Prezidente atual Filipina nian, fó Justisa loloos ba eis Prezidente ne’e.
“Ami hakarak Prezidenti atual fó Justisa loloos Governu-Estadu Filipina nian, bele hala’o di’ak hodi ami prosesu eis Prezidente nian bele la’o di’ak no justu nia hele fila husi Nasaun Nederland-Belanda mai ami nia rain Filipina,”Alrashid Adam subliña.
Droga
Fatin hanesan sidadaun Filipina iha TL Fernandino Ladrillo Flore hateten, atividade ohin relasiona eis Prezidente Filipina Rodrigo Durtete hetan, kapturasaun husi INTERPOL iha loron Tersa-feira (11/03/2025), hodi hala’o investigasaun ba problema uluk funu kontra droga.
Liberta
“Ami ezije atu liberta eis Prezidente Filipina Rodrigo Durtete, tanbà prosesu investigasaun se’i hahú iha fulan (09/2025). Iha momentu sira mai foti na’ok ‘Culik’ eis Prezidente iha ami nia rain ho Politiku.
Ami nia Governu-Estadu rasik tula uza ami nia aviaun ho osan rasik mak lori nia ba Tribunal. Hakarak lori fila nia mai Nasaun Filipina,”haktu’ir Fernandino Ladrillo Flore.
Foti
Tan ne’e, komunidade Filipina iha TL la satisfaz ho sira ninia maluk rasik lori eis Prezidente Filipina Rodrigo Durtete, ba ema seluk foti nia lori ba sira nia maluk rasik.
“Ami la satisfaz, tanbà la’os ema seluk mak mai kaptura eis Prezidente Filipina Rodrigo Durtete, lori ba, maibé ami nia maluk rasik, tan de’it tempu ne’eba nia oho ema ne’ebé halo Krimi fa’an droga barak mak ema mai kaptura ami nia eis Prezidente. Agora droga kontinua barak iha Nasaun Filipina,”Fernandino Ladrillo Flore konklui.(ercia)
