Dili Post.com-Ekipa Komisaun Anti Korrupsaun (KAK), horseik hasoru Jerente husi Ministériu Agrikultura, Pekuaria no Peskaz (MAPP), assume kargu hanesan Diretur Jeral (DJ), no Diresaun Nasionál Aprixionamentu (DNA), hodi halo presta deklarasaun iha edifisiu KAK. Informa DJ Investigasaun KAK, José Verdial ba Jornalista iha kna’ar fatin, Tersa-feira horseik.
Bainhira assume kargu ruma hanesan Intituisaun Estadu no Governu la kontrola an hodi hala’o ou Jere orsamentu povu nian la ho di’ak. Entaun, tenke simu ninia ‘Resiko’ konsikuensia tanba KAK nu’udar Instituisaun Governu hala’o Lei no Orden.
Buka tu’ir orsamentu povu nian ne’ebe sira utiliza ou Jere, povu iha terenu sente ou la’e, ida ne’e, mak prblema bo’ot. Ho lia fu’an simples bele hateten, investiga lakohi han bikan laran, buka han ema seluk nia bikan, Lei duni tu’ir o.
Relevante
José hatutan, ekipa KAK hala’o servisu Lei no Orden hodi bá hasoru Jerente husi MAPP informasaun espalla iha Média Sosial (MedSos). Hodi presta deklarasaun ba parte relevante husi KAK nian.
“Ha’u hanoin informasaun ida ne’ebé ita bo’ot sira akompaña loos dunik ohin dader ekipa KAK nian ba hasoru ita ninia dirijente balun iha MAPP. Ida ne’e, relasiona ho informasaun hirak ne’ebé espalla iha MedSos,”tenik José.
Prevensaun
Hanesan KAK iha kompetensia ba iha asaun prevensaun investigasaun Kriminál,”ami halo kedas asaun pro-ativu atu bele hatene loloos velosidade husi informasaun ne’ebé espalla iha Média.
Loos dunik ami ninia ekipa ba hasoru Dirijenti sira nain-2 iha MAPP agora daudaun iha hela prosesu investigasaun,”hateten, DJ Investigasaun KAK iha kan’ar fatin. Nia esplika, KAK-Orgaun ne’ebé iha kompetensia hodi foti asaun bá kazu ho tipu oioin no iha informasaun hafoin halo identifikasaun.
Presiza informasaun detallu, tanba iha sala no loos ho nune’e, tu’ir prosesu dalan legal nian.
Kompetensia
Kualker informasoins hirak ne’ebé espalla kuandu ema hato’o informasoins katak, iha indisiu. Entaun, KAK-Orgaun ida ne’ebé iha kompetensia hare’e konaba iha tipu Krimi hirak hanesan ne’e.
“Ita kualker informasoins hotu bele loos no bele mós la loos. Ita tenke liu husi prosesu ida ne’e. Lei fo dalan bá iha Orgaun Polísia Kriminál (OPK), sira. Depois sira bele 12 oras tempu halo identifikasaun.
Ida ne’e, ita hala’o orsida husi prosesu investigasaun hotu, sa’i ba mak foin bele hatene katak, informasoins ne’ebé iha ne’e, loos. Normalmente identifikasaun ne’e, foin ita hetene la’i informasaun hirak ne’e, faze ida prosesu investigasaun depois bele hare’e ninia kontinuasaun oinsa,”remata José.
Joranalista : Octaviana da Costa
