Dili Post.com- Oraganizaun Internasional Heavenly Culture, World Peace, Restoration of Light (HWPL) ihan loron 18 fulan Setembru 2025 iha Cheongju Repunlika Korea organiza Simeira Mundial ba da-11 HWPL, hamutuk lider globál sira na’in 800.
Iha Sorumutu ne’ebé hala’o iha Cheongju, hatudu organizasaun nia realizasaun no vizaun ba pás, ho foku ba kolaborasaun entre governu, organizasaun internasionál no sosiedade sivíl.
Tuir komunikanu ne’ebe online Dili Post asesu, Kuarta feira (24/09) husi HWPL katak sorumutu tinan ida-ne’e ko’alia kona-ba progresu boot iha área prinsipál tolu. Iha direitu internasionál, HWPL nia enkuadramentu legál ne’ebé propoin, Deklarasaun Pas no Cesasaun Funu (DPCW), hetan tratamentu signifikativu, inklui Parlamentu Latin-Amerikanu no Karibe (PARLATINO) no órgaun parlamentár no governu sira seluk ne’ebé adopta rezolusaun hodi apoia deklarasaun ne’e.
Nune’e mos HWPL nia Edukasaun ba Pas institusionaliza hela iha kurríkulu eskola publika. Ministériu Edukasaun Kambiu implementa ona programa ne’e iha eskola hotu-hotu iha nia kapitál, Lusaka, ho planu atu habelar iha nasaun laran tomak. Gnolia mós integra ona programa ne’e iha nia sistema edukasaun.
Iha diálogu interkonfiansa, lansa ona Komisaun Solidaridade ba Pas Relijiaun (SRPC). Hahú husi tinan 2023, Akademia Internasional ba Pas Relijioza HWPL implementa tiha ona hanesan programa aprendizajen interfeitu, formalmente rekoñese iha nasaun oin-oin hanesan plataforma ida ba lider no sidadaun sira atu envolve iha diálogu ne’ebé sentru ba dame.
Iha semeira ne’e Prezidente HWPL Lee Man-hee hateten kooperasaun globál ba pás, hodi dehan: “Konflitu nunka di’ak. Ita bele hetan dame de’it. Se ita la harii mundu ida-ne’ebé dame iha ita-nia tempu, ita sei tau todan ba jerasaun sira iha futuru ho konflitu. Buat ne’ebé ita husik iha kotuk tenke sai mundu dame nian, la’ós konflitu ida. Serbisu ne’ebé ita halo ohin loron mak atu halo ita-nia an atu hatudu hahalok-di’ak.”
Aliend ene’e eis-Prezidente Croasia, Ivo Josipovic mensiona katak entidadi hotu tenke hatene katak atividade bandu funu iha mundu tomak mak importante liu fali tempu uluk. No hateten katak susesu sira iha tinan ida-ne’e mak garantia katak ema sei hetan dame ba nafatin.
Entretantu sorumutu ne’e mós ko’alia kona-ba reuniaun pasifika Koreia nian no nota aumentu lalais iha membru globál HWPL nian, ne’ebé agora liu 580,000.
Hafoin eventu prinsipál iha Cheongju, eventu satélite sira sei kontinua iha sidade 78 iha mundu tomak to’o fulan Outubru, ho lider 15,000 resin hein katak sei partisipa iha diskusaun kona-ba estratéjia harii dame. (**)
