DiliPost.com-Centro Nacional Chega (CNC), realiza Formasaun iha Eskola Sekundariu Jeral (ESJ), FINANTIL konaba Direitu Umanu (DU), no Igualidade Jeneru hare’e liu ba Istoria pasadu luta nain sira hala’o iha 1975-1999. Juven Era Dijital Mundu Teknolojia. Presiza leno an ba kotuk hodi banati tu’ir saida mak juven sira iha tempu passadu halo ona.
“Ita hatene baibain konflitu disribui ba juven sa’i autor ba konflitu, objetivu prinsipal husi atividade oinsá sensibiliza juven sira liu-liu Estudante konaba saida mak konflitu.
DU no Violasaun DU nune’e CNC foku ba Istoria passadu liga ho Violasaun DU akontese iha tempu passadu,”informa Offisiál Edukasaun no Formasaun CNC, Matias dos Santos ba Jornalista iha resintu FINANTIL, Kuarta-feira ne’e.
Ofisiál Edukasaun no Formasaun-CNC, Matias dos Santos hatete, objetivu prinsipal atividade ida ohin ne’e primeiru envolve de’it kk nomos Sekretaria Estadu Igualidade Jeneru nian.
Moris
Offisiál CNC-Matias hatutan, atividade Formasaun ne’e, importante partilla ba alin Estudante hanesan moris iha tempu Ukun Rasik An menus tebes atu hatene Istoria konaba akontesimentu iha tempu passadu.
Iha tempu uluk juven naran bo’ot tebes luta ba,”ita nia Independénsia to’o konkista dunik to’o hetan Liberdade. Maibe, juven ida agora ita bolu era Dijital Mundu Teknolojia.
Entaun, hanoin sira presiza leno an ba kotuk hodi banati tu’ir saida mak juven sira iha tempu passadu halo ona,”dehan Offisiál CNC-Matias. Formasaun importante tebes hodi fahe Formasaun konaba akontese iha pasadu nune’e, juven agora bele banati tu’ir hodi prevene konflitu iha rai laran.
Sosializa
Fatin hanesan Diretur-ESJ-FINANTIL, Aniceito Berlelo hateten, atividade Formasaun agradese ba Sekretáriu Estadu no Igualidade-Ministeriu Interior (SEI-MI), CNC ko’alia konaba relatoriu CAVR no Istoria rai ne’e, atu sosializa hela ba Estudante no Profisor hotu iha Eskola ida ne’e.
Formasaun ne’e, importante tebes ba Estudante no hanorin konaba dixiplina Istoria nune’e, bele mai halo kompleta tan Estudante ninia koiñesimentu konaba Istoria ne’ebé akontese iha tempu passadu.
Prevene
Diretur-ESJ-FINANTIL-Aniceito hatutan, SEI ko’alia konaba Estudante hotu iha ESJ-FINANTIL oinsa atu prevene konflitu hare’e ba MI dehan konflitu dalan la loos, lia loos mak estuda no hadomi malun iha rai doben ida ne’e, hamutuk kria paz no estabilidade hodi dezenvolve TL.
“Ita nia Politika rai ida ne’e, iha ita nia Lei dehan feto ou mane moris ho diretu hanesan dever diferente entaun ita hamutuk hodi fó liman ba malun. Nune’e, iha ESJ-FINANTIL kuda ona feto ho mane sempre respeitu malu,”dehan Diretur ESJ-FINANTIL.
Papel
Liga ho materia ne’ebé mai husi SEI atu sosializa ba Estudante sira entaun hanesan feto ninia papel ba nia an rasik hodi dezenvolve iha rai doben ida ne’e. Objetivu prinsipal ba Formasaun refere bele muda Estudante nia koiñesimentu konaba Istoria ne’ebé akontese iha tempu passadu.
Realiza
Reprezentante Estudante, Auxiladora Soares akresenta, orgullu tebes tanba bele partisipa iha Formasaun refere realiza husi CNC hodi fahe Istoria akontese iha tempu passadu liu-liu ba juven hirak ne’ebé luta ba Independénsia ba rai doben ida ne’e.
“Ha’u orgullu tebes tanba ohin loron bele partisipa iha atividade Formasaun-1 ne’e, foin primeira-vez ami Estudante bele aprende tan Istoria balun husi CNC konaba Istoria ne’ebé ita nia juven sira luta ba Ukun Rasik An,”konfesa reprezentante Estudante-Auxiladora.
Fasilita
Auxiladora afirma, Formasaun di’ak tebes bele fasilita Estudante atu kompriende konaba Istoria rai TL ne’ebé akontese iha tempu passadu. Tanba, iha Estudante balun seida’uk hatene muinto-bem konaba Istoria rai TL nune’e, bele fahe tutan ba kolega Estudante sira seluk.
Formasaun ne’e, fasilita husi CNC halo sensibilizasaun ba Estudante valor DU Igualidade Jeneru no Rezolusaun konflitu ba Estudante hamutuk 80 resin iha ESJ-FINANTIL Ai-Mutin Dili.(Octa)
