DiliPost.com-Clarino Pacheco da Conceição, moris iha loron (11/08/1998), iha Aldeia Aituto-Rina, Suku Mulo, Posto Administrativa Hatu-builico, Munisípiu Ainaro. Oan husi José da Conceição Costa no inan husi Casimira da Conceição Barros.
Antes atu hetan susesu liu istoria naruk, ba Eskola enfrenta hela obstaklu barak hanesan Bemo la iha no tu’ir prosesu aprendizajen iha Kampus ho hamlahak ‘kesi kabun.’
Maibe, nunka sente kolen no dezamina ‘Putus Asa.’ Kontinua avansa ho prinsipiu rasik no komitmentu hodi hetan saida mak iha mehi saida realidade. Maski, iha Kampus Dosente sira ‘Kerjain’ oioin, maibe hamri’ik metin hodi alkansa futuru nabilan. Purtantu, ida ne’e, ezemplu ba juventude sira seluk atu banati tu’ir. Aleinde ne’e, juven ida ne’e, mai husi area Remota. Ikus mai hetan esperiensia armazen ‘Segudang Pengalaman.’
Ho ida ne’e, biban ida ne’e, konvida juven sira hotu akompaña saida sa’a prosesu no susesu mak nia ultrapasa. Naran bolu iha uma no Eskloa-Clarino hahu husi Eskola Primária (EP), iha Ensinu Báziku Sentrál (EBS), Aituto, Pré-Sekundária (PS), iha Eskola Katólika Sagrado Coração de Jesus Aituto, Sekundária iha Eskola Sekundáriu Católica kontiunua iha Seminário Menor Nossa Senhora de Fátima Balide Díli.
Gravasaun
Finaliza estudu iha Institute of Business (IoB)0, Fomento-II Díli. Da-huluk hahú kareira servisu iha Ministériu Edukasaun (ME), iha diresaun Média, iha tinan 2016, nu’udar gravasaun Audio, Mix no Mastering Audio ba programa Rádiu Sapientia ne’ebé foka liu ba matéria Estudante sira nian, atu Estudante sira bele aprende liu husi Rádiu.
Aleínde ne’e, servisu iha parte Rádiu, nia mós koko aprende iha parte seluk hanesan Shoot Vídeo halo Edisaun ba Vídeo no Desion Grafik ba Brosur ou Baner sira.
Moruk
Nune’e, ohin loron nia mós bele Shoot Vídeo halo Edisaun ba vídeo no Desion Grafik ba Brosur ou Baner iha kna’ar fatin. Agora iha parseiru agora iha faze tu’ir malun hela iha hanoin atu hamutuk iha futuru.
Ko’alia konaba Eskola konserteza sempre iha dezafiu, dala ruma osan Bemo la iha no iha kampuz hamlahak. Depois Dosente sira ‘Kerjain’ uitoan liu husi traballu sira. Maibe, hirak ne’e, hotu la sa’i kestaun ba,”ha’u tanba la iha susesu ne’ebé la mai husi prosesu moruk,”Clarino konta hikas esperiensia moruk ne’ebe nia hasoru.
Konfiansa
Ohin loron bele susesu servisu ho konfiansa husi Xefi no Diretur sira iha kna’ar fatin, la’os tanba hatene bu’at barak no sempre pasiénsia hodi hasoru dezafiu hotu ho hamansa no haraik an.
“Ha’u nia pai sempre dehan ba ha’u ‘Surik’ ne’ebé kro’at liu iha Mundu mak pasiénsia,”konfesa nia.
Iha kna’ar fatin dezafiu ne’ebé sempre hasoru dala ruma hetan orientasaun servisu tarde halo servisu tarde no la tu’ir ‘Date Line’ ne’ebé iha, maibe enjeralmente iha kna’ar fatin bu’at hotu mesak di’ak de’it.
Situasaun
Ligadu ba ersperiénsia servisu iha kna’ar fatin, tenke fu’an bo’ot hodi hasoru situasaun tanba sempre mosu ideia oioin husi ema oioin, nune’e dala ruma halo sente triste hodi hasoru situasaun hirak ne’e.
Pesoalmente, situasaun mosu,”ha’u sempre hatan ho oin nakraik pasiénsia de’it, tanba esperansa ba moris la’os buat fasil,”haktuir Clarino.
Esforsu
Hanesan juventude foin sa’e, moris to’o tinan mos bo’ot ona tenke buka meius hodi fó forsa ba inan-aman liu husi esforsu hisik kosar ba moris, hodi fó hamanasa midar ba inan-aman rasik.
Hanesan juven la bele depende bebeik ba inan-aman tanba tempu se’i do’ok husi sira, tempu ruma se’i moris mesak no la iha dependénsia ba sira.
Tan ne’e, hanesan juventude tenke servisu maka’as hodi halo mudansa ba moris, tanba moris iha Mundu la eziste milagre, tanba kosar metan ne’ebé ohin,”ita hisik ba moris, aban se’i fó hamnasa midar.
“Ha’u nia belun juventude sira, husik ona problema, husik ona odiu malun, haka’as an kria dame no unidade iha Sosiedade nia le’et, tanba juventude uluk luta ba Ukun Rasik An, ita juventude agora tenke luta ba dezenvolvimentu iha ita nia rain,”Clarino husik hela esperiensia moris.
Jornalista : Octaviana da Costa
