DiliPost.com- Polisia Nasional Timor-Leste (PNTL) aprezenta Autor nain
-61 neebe involve Jogu online ilegal no scam call center iha area Tibar Munisipiu Liquiça ba Ministeriu Publiku (MP).
Tuir Superintendente Xefe Polísia João Belo informa katak, PNTL liu husi Diresaun Nasional Servisu Investigasaun Kriminal(DNSIK) neebe halo atuasaun iha area tibar Munispiu Liquiça hodi desmantela servisu krime organizadu Internasional neebe bolu jogu online ilegal no scam call center.
“Depois ita halo Investigasaun lubuk ida ami aprezenta ona autor ba Ministeriu Publiku halo ona no prosesa iha Tribunal estanjia, hotu-hotu nain 61 nee ohin ami aprezenta hotu iha neeba,”hatete Porta Voz PNTL, Superintendente Xefe Polísia João Belo ba jornalista liu husi Konferensia imprensia iha Komando Jerel, Segunda-feira (29/06/2026).
Nia esplika, informasaun nee hanesan parte edukasau ida ba komunidade katak iha online Gem ida nee hetan osan husi online no ida seluk Sentru Gem atu organiza mos ajuda verifikasi informasaun neebe sira lansa.
“Scam call center nee sentru ida neebe kriminozu sira halo ,hodi buka informasaun no brobaganda sira hodi habosok ema ,tanba nee iha neeba ita detekta katak ,sidadaun lubuk ida nia Funsaun oinsa maka ema bele fiar hodi lansa informasaun sira,tenta atu bosok ema,”nia deklara.
Nia hatutan, informasaun sira nia jogu nee halao dala ida ,no prosesu Investigasaun sei determina,ou halo buat ida seluk taka ida seluk, tanba nee prosesu Investigasaun sei lao hela.
“Espera katak, Ami bele hetan delegasaun husi Ministeriu Publiku atu kontinua buka tuir no investiga kazu sira tuir mai,”tenik João.
Nia mos relata kona ba , autor sira nee husi Autoridade Kambodia, no agora desmantela iha sira nia nasaun depois agora halai mai Timor-Leste no halao fali operasaun pais ida nee.
“Ita mos haree hotu sira nia viajen,maibe maioria bele hatete 90% autor sira neebe ita detein Agora nee eis pemain husi Kambodia ,” sublina Portavos PNTL ne’e.
Nia argumenta,evidensia sira neebe PNTL aprezenta ba MP maka komputador, Telefone, router, starling no kadeira meza sira neebe sira uza halo servisu ami aprezenta hotu.
Aliende ne’e, nia haktuir Hotel neebe autór sira halo servisu ba,Polisia dada hotu polishine iha neeba atu nunee ema seluk labele asesu tan ba iha neeba durante prosesu nee lao.
Entertatu informasaun neebe Dili Post Online rekolha iha terenu katak, kazu jogu online ilegal no scam call center nee akontese iha loron Sesta feira (26/06/2026) foin lalais nee, no PNTL liu husi Diresaun Servisu Investigasaun Kriminál halo operasaun ho sobu Jogu online ilegal iha Tibar Munisípiu Likisa, Ohin submete ona ba faze judisiál, iha Tribunal Judisiál Primeira Instánsia Díli.
Kazu ne’e rasik rejista ho NUC 0227/26/PNSIK no investigasaun refere ba alegasaun krime brankeamentu kapitál no asosiasaun kriminál, tuir dispozisaun sira iha Kódigu Penál.(Octa)
