DiliPost.Com– Primeiru-Ministru, Kay Rala Xanana Gusmão hala’o enkontru bilaterál ho Primeiru Ministru São Tomé Principe, Patrice Émery Trovoada hodi Kolia kona ba hametin Koperasaun rai rua.
Durante Hasoru Xefe Governu rua deskute mekanizmu kooperasaun fokus ba Formasaun rekursu umanu iha ensinu superior ,ne’ebe Konsidera hanesan Nasaun Membru Komunidade Nasaun Lian Portugés (CPLP) presiza apoia malu.
“Enkontru Primeiru Ministru São Tomé Principe, Patrice Émery Trovoada ami ko’alia no temi oitoan kona-ba sira-nia perspetiva atu harii universidade ida di’ak hamutuk ho Brazíl iha sira-nia nasaun. Universidade ida ne’ebé hanorin matéria ne’ebé di’ak hodi prepara jerasaun foun.”
“Ne’ebé informa hela ba ita, ne’ebé ha’u dehan ne’e di’ak no haree tok ba, tanba sira mós preokupadu teb-tebes ho rekursu umanu ne’ebé tanba susar oitoan, sira kondisaun defisil liu ita, maske ukun aan tiha ona iha tinan 1975 ita presiza apoia malu iha área hotu- hotu,”informa PM Xanana, hafoin partisipa reuniaun nível aas iha Sentru Konvensaun Nusa Dua Bali.
Nune’e São Tomé Principe agradese teb-tebes apoia ne’ebé Timor-Leste fó ba sira, hodi realiza konferénsia (CPLP) ho prezensa hosi Xefe Estadu no Xefe Governu no Timor-Leste reprezenta hosi Prezidente Parlamentu Nasionál, Maria Fernanda Lay.
Hosi enkontru CPLP ne’e, Xefe Estadu São Tomé Principe haruka mós karta ofisiál ida ne’ebé entrega ba Prezidente Parlamentu Nasionál, Maria Fernanda Lay hodi entrega ba PM Xanana.
Enkontru ne’e termina ho serimónis entrega prendas b malu entre xefe governu rai rua nu’udar sinal amiza no hametin kooperasaun ba oin. (JAVEL)
