DiliPost.com- Prezidente Repúblika (PR) José Ramos ho delegasaun to’o ona Malázia, ho avião Malasya Airlines , vizita privadu Xefe Estadu nian mai iha malazia.
Bainhira to’o iha Malázia simu kedan husi Embaxadór Timor -Leste iha Malázia Isualdo Gaspar.
Tuir ajenda ne’ebé iha, durante iha Malázia atividade ne’ebé Prezidente Horta sei halo mak, sei partisipa iha eventu ida iha ‘Taylor’s University’ no lansamentu ba livru Primeiru-Ministru Malázia Anwar Ibrahim no atividade hirak ne’e hahú husi loron 17-22 fulan-juñu.
Iha ‘ Taylor’s University’ Xefe Estadu hetan konvite husi Universidade referidu ne’ebé sei atribui títulu Doutor Honoris Causa.
Nune’e PR sei kontinua kedas halo viajen bá Mónaku, iha ne’ebé vizita ofisiál ida-ne’e marka ona ba loron 23 to’o 25 Juñu 2025, tuir pedidu ba konsentimentu anteriór ne’ebé hatama ona ba PN iha loron 02 Juñu.
Objetivu PR viajen ba Mónaku hodi partisipa aniversariu ba dala 20 fundation for post-conflict development no aniversariu ba dala 10 kriasaun FPDC- Monaco hahú 22-25 fulan-juñu.(Aza)
