DíliPost.Com-Hafoin Simu Posse hodi Okupa Kargo Nudar Prezidente Autoridade Munisípiu (PAM),Díli Grigorio Da Cunha Saldanha, Deklara Iha Nia Mandatu Durante Periodu Hirak mai oin,Prezidente Autoridade Munisípiu Díli Foun ne’e ,Hatete Sei Konstrui Merkadu Ho Modelu uma Andar iha Sidade Díli, nune’e Labele Hamosu tan Engarafamento iha Sidade Laran.
“Presiza Plano Urbanistika ne’ebé diak hodi halo Bairo Foun ho Modelu Apartamentu ,Merkadu Foun no Engarafamento sira ,presiza habo’ot merkadu sira ne’ebe existente ho Modelu uma Andar ,tanba Ita Konsidera Problema natural ne’ebe ita hasoru mak Ema aumenta ba bebeik maibe rai la aumenta, tanba ne’e mak hamosu Engarafamento bebeik iha Estrada Ninin.”Komprimisiu Hato’o husi PAM Díli Foun Grigorio Saldanha iha Diskursu hafoin Simu husi Ministro MAE iha Matador Sesta ne’e (1/3).
Prezidente PAM Díli ne’e Deklara sei Estabelese mós Regras hodi Aplika ba Movimentasaun Transporte sira iha Kapital Díli ne’ebe sai Problema bo’ot kada Loron.
Grigorio Saldanha mós Hatete presiza atu Transforma Jardim sira ne’ebe iha Sidade Díli ,tanba ne’e Sei fo Oportunidade ba Kompanha Lokal sira hodi bele Halo Jestaun no Kuida Ai-Oan sira hodi Haburas liu tan Sidade Díli.
“Kuda aihoris ne’ebe ho Valores Historiku no Ekonómiku hanesan Kafe,Aikameli aiteka iha Jardim sira liu liu iha Edifisiu Orgaun Soberania ha’at nian oin,Hodi Reprejenta no Promove Timor Leste nia rikusoin.”PAM Díli Foun ne’e Afirma.
Prezidente Foun Munispíu Díli ne’e Mós Deklara Sei Desenvolve Díli hodi sai Sidade ne’ebe Furak atu Atrai Turistika sira husi Rai Laran no Rai Liur.
“Ita presiza kuda aikasi hodi Halo Sidade Díli ne’e Sai Matak no furak hanesan Artista Anito Matos nia Muzika ne’ebe hatete “Rai Díli Rai Sidade semak La hatene”. Nia Kompara.
Grigorio Saldanha mós Hatete Durante Mandatu sei Promove Heroi no Heroina sira ne’ebe Sakrfika nia vida ba Rai ida ne’e, Hodi Koloka sira nia Naran ba Fatin Importante sira ,Hanesan Jardim,Monumentu ,Rotunda no Kruzamento sira iha Sidade Díli.
“Presiza tau Funu Na’in sira nia Naran no estatua iha Rotunda sira,politika ,Desenvolvimentu, Kultura ,Desportu, Muzika no seluk tan iha Dalan kiik sira iha Sidade Díli. “PAM nia Mehi Ba Sidade Díli.
Iha Area Urbanizasaun Prezidente Autoridade Munisípiu Díli Foun ne’e, Reforsa tan sei Estabele Orariu Rotina ba Instituisaun Estadu ,Autoridade Lokal no Komunidade sira hodi bele Hala’o Limpeza Iha Sidade Díli, Liu liu iha bairu no Suku Sira ,atu nune’e sidade Díli bele sai mos no Ambiente ne’ebé Furak.
Jornalista: Javelino silva
