DiliPost.Com- Primeiru-Ministru, Kay Rala Xanana Gusmão Iha Sabadu dader ne’e hala’o Viajem Estadu ho aviaun Aero Dili ba Austrália hodi Reprejenta Nasaun Timor leste, partisipa iha simeira Australiá Asosiasaun Nasaun Sudeste Aziátiku (ASEAN) 2024.
Simeira (2024 ASEAN-Australia Special Summit) ne’e rasik sei hala’o iha Melbourne-Austrália, durante loron tolu hahu husi Loron 04 To’o 06 marsu 2024.
Iha Simeira Australia ASEAN ne’e ,sei abertura hosi Primeiru-Ministru Austrália, Anthony Albanese no partisipa hosi xefe governu no xefe estadu nasaun ASEAN no Lider Organizasaun Nasoes Unidas (ONU) no estidades seluk tan.
Durante Vizita estadu Xefe Governu Xanana Gusmão , sei hasoru malu mós ho komunidade Myanmar ne’ebé sei hola parte iha simeira ne’e hodi konversa no rona sira nia hanoin.
Iha loron falo Loron 5 Marsu, Primeiru-Ministru Xanana sei partisipa iha serimónia funebre saudozu Harold Mitchell ne’ebé hakotu iis iha loron domingu 11 fevereiru 2024 ho idade 81.
Harold Mitchell nu’udar sidadaun Austrálianu ida besik no sai belun di’ak ba Lider Instóriku, Kay Rala Xanana Gusmão no Premiadu Nobel ba Dame, José Ramos-Horta.
Iha loron 6 Fulan Marsu, Primeiro Ministru Xanana Gusmão , sei hamutuk ho xefe governu no xefe estadu ASEAN partisipa simeira Austrália hodi ko’alia kona-ba futuru ASEAN iha pas no prosperu atu servisu hamutuk.
Alende ida ne’e, Xefe Governu sei hala’o enkontru ho intelektuál balun hosi universidade balun hosi Austrália inklui mós komunidade Timor-oan sira.
Nune’e Primeiro Ministru Xanana Gusmão Sei Fila hikas mai Timor leste iha Loron 7 fulan Ne’e.
Jornalista : Javelino silva
