DiliPost.com – Liu husi selebrasaun deklarasaun Pas Mundial ba dala sanulu resin rua (12) joven foin sai iha Japaun halibur malu kuaze atus haat komemora ho lao ai iha sidade Osaka.
Iha komemorasaun ne’ebe realiiza loron Sabadu, 24 fulan Maiu tinan ne’e, organiza husi organizasaun internasional Heavenly Culture, World Peace, Restoration of Light (HWPL) ho títulu “Ita halo dame. Mai ita la’o hamutuk!,”
Eventu ne’e halao ho nia objetivu atu hasa’e konsiénsia kona-ba importánsia pás nian liuhusi partisipasaun voluntáriu husi foin-sa’e sira, hodi hatudu asaun ba liafuan sira.
Iha lao ain ne’e hahú iha Utsubo Park iha Osaka ho atividade “Paz Fante-Making”. Maski udan tun derrepente de’it, partisipante sira kontinua “Pace Walk” ho laran-moos atu hetan dame, la’o hamutuk maizumenus kilómetru 3 husi Utsubo Park to’o Motoma Xinaka Park.
Maizumenus membru foin-sa’e sira husi HWPL hamutuk 400 hola parte iha viajen. Marka aniversáriu Deklarasaun Pas Mundial ba dala 12, sira halo marsa hodi fó mensajen dame nian no sira-nia determinasaun atu sai ajente dame nian ba komunidade lokál sira.
Iha atividade marsa membru Konsellu Sidade Osaka Sayama, Koshiba Hidetoshi, fahe mos nia hanoin kona-ba eventu ne’e.
“Hau sempre hakarak hetan dame, maibé liuhusi eventu ne’e ha’u hanoin barak liután kona-ba HWPL no sira-nia serbisu. Ha’u haree katak ha’u-nia maluk sira kontinua la’o ho laran-moos, maski udan halo ha’u sente laran-tun. Ida-ne’e halo ha’u hakarak apoia sira-nia hakaas-an,”tenik Koshiba.
Nia hautan, liu-liu dalan dame nian ne’e la’o tuir Midosuji Street, ida-ne’ebé hanesan dalan ida-ne’ebé iha naran Osaka.Tuir organizador sira, atividade voluntáriu sira-nian kona-ba pás ne’e sai nu’udar mensajen pozitivu ba sidadaun sira.
Entertantu HWPL nia sukursal Kobe anunsia ona ninia planu atu kontinua organiza Pas iha rejiaun oioin ne’ebé la’o ba oin. (**)
