DiliPost.com – Naok motor iha area Audia Polisia Nasional Timor Leste (PNTL) tun direita ba trenu identifika joven nain rua (2).
Autor nain rua ne’e hetan kaer husi PNTL bainhira simu informasaun husi fontes akreditadu, Xefi Servisu Informasaun Polisia (SIP) Nasionál orienta kedas membru Aranha Leste sira junta ho Forsa Polisia hodi buka tuir autór sira ba krime públiku ekipa servisu konsege asegura joven-2 ne’ebé envolve iha kazu naok komunidade nia motór iha area Audian, Postu-Administrativu Nain Feto, Munisípiu Dili.
“Suspeitu ho inisial VCSDF (20), alias Toty, nudar estudante hela iha, Aldeia Carega Tiro, Culuhun, orijen husi Wailili, Munisipiu Baucau no NCDS, (18), alias Uping, iha Aldea Lao-Rai, Suku Culuhun, Postu-Administrativu Cristo-Rei, Munisipiu Dili, no mai husi Railako, Munisipiu Ermera” tuir informasaun ne’ebé Online DILI POST asesu iha relasaun pubulika Ministeriu interior Tersa feira (25/03) ne’e.
Suspeitu nain rua ne’e ekipa servisu asegura iha sira nia rezidensia tanba naok motor Marka Mio Sport kor mean iha area Audian, bainhira motor refere para hela iha uma oin, sira nain rua halo planu hodi naok mai subar iha Taibesi Carega Tiro, hafoin sobu rahun troka no pinta kor seluk.
“Iha prosesu identifikasaun suspeitu sira koopera di’ak hodi deklara motor ne’e sira naok tan rua iha fatin lahanesan nune’e ekipa servisu dezenvolve kazu ne’e konsege identifika tan suspeitu balu sei iha tan nune’e ekipa sei kontinua halo vizilansia hodi buka tuir suspeitu hirak ne’e” haktuir iha pajina relasaun pubulika Ministeriu interior.
Suspeitu mos konfesa katak nia komete naok ba dala tolu ona, motor ida ho modellu Mio Sport nia naok iha rate Becusse oin iha tempo finadu kotuk ba no-mos mio BEAT Street naok iha area SEJD, iha loron 12 novembru 2024 kalan, animasaun konsentru muzikal ida iha ne’eba
“Hafoin remata prosesu identifikasaun ekipa servisu halo kedas auto entrega suspeitu nain 2 hamutuk ho evidensia motor ba Departamentu Investigasaun Kriminál Nasional hodi halo prosesu investigasaun no kontinua ba Ministeriu Publiku.” (ercia)
