DiliPost.com (LAUTEM) -Komunidade iha Munisipiu Lautem kontinua kasa illegal, no impaktu husi Mudansa Klimatika (MK), afeita tebes ba animal. Tu’ir, dada lia ne’ebe halo ho Xefi Suku Bauro, Florindo Miranda afirma, Suku pertenxe ba parke Nasional Nino Koniz Santana (NKS), iha Suku-7.
Suku Bauro, Com, Mehara, Maupitine, Lore, Fuat, Illomar-2, Suku Bauro rasik iha kedas parke Nasional nia klaran. MK afeita tebes ba animal protezida iha ai-laran liu-liu ba rusa fuik, meda, kakatua, loriku, Lekirauk, afeita iha parke Nasional rasik.
Pertenxe
Agora daudaun rusa-fuik Illa Jaco kuaze aumenta, maibe hahan ba rusa menus no be’e susar tebes, iha loron hirak liu Suku hirak ne’ebe pertenxe ba parke Nasional enkontru ho diresaun Floresta atu ka’er rusa iha Jaco atu lori fali mai parke Nasional atu proteze di’ak liu,”tenik Florindo iha Sede Suku Bauro Lautem, foin lalais ne’e.
Perkorre
Aleinde ne’e, kasa illegal sira iha parke Nasional nafatin eziste tanba sensibilizasaun sosializasaun husi Guarda Floresta seida’uk perkorre hotu, komunidade sira seidauk hatene didi’ak konaba parke Nasional, sira nafatin halo sosializasaun, Guarda Floresta minimu tebes.
“Ha’u husu atu rekruta tan Guarda Floresta, tanba parke Nasional NKS lu’’an tebes, ho Guarda Floresta la tama no prienxe balun hodi komunidade sira nafatin kasa illegal,”tenik Florindo.
Agora sira esforsu hela, bainhira lori animal protezida husi Jaco mai fali iha ne’e, hanesan meius ida atu bele hatudu katak, preverza dunik animal protezida sira ne’e. Komunidade sira bele iha konxiensia, agora balun iha konxiensia la kasa illegal, maibe balun nafatin kasa illegal.
Governu
Ho meius hirak ne’e, lori hela rusa sira mai, sira mos asiste katak, ida ne’e, mak Governu nia hakarak, tanba komunidade sira iha ne’e, hatene liu-liu atu prezerva riku soin rusa sira.
Identifika
Florindo akresenta, animali hirak ne’ebe eziste iha parke Nasional hanesan rusa, meda, lekirauk, loriku, kakatua nst. GF idenfika katutua uluk 3000 ital mak iha. Maibe, agora hela de’it 500 mak iha, kakutua 500 bele preverza nafatin atu la bele semo do’ok husi parke Nasional.
Prezerva
“Ita nia area parke Nasional tuir ona kiteira, maibe ai-horis ho animal sira iha parke Naisional seida’uk prezerva didi’ak. Atu bele tama iha parke Internasional no Nasional. Hahu ohin ba oin ita tenke halo sensiabilizasaun ba komunidade sira bele hatene kuidadu ai-horis liu-liu ba animal fuik sira,”afirma Florindo.(aza)
