DiliPost.Com- Primeiru Ministru KayRala Xanana Gusmão fo ona Posse ba Prezidente Komisaun Funsaun Publika Foun (CFP sigla Português),Agostinho Letencio De Deus ho nia Komisario Foun Nairua ba Mandatu tinan Lima oin mai, hodi Troka Prezidente Komisaun Funsaun Publika Sesante Faustinho cardoso.
Proposta Nomeisaun ba Prezidente Komisaun Funsaun Publika Foun ne’e Konsellu Ministrus aprova,iha Reuniaun Komselu Ministru iha Palasio Governu iha loron 15 Novembru liu ba, ho projetu Rezolusaun Governu, ne’ebé aprezenta husi Primeiru-Ministru, Kay Rala Xanana Gusmão, hodi nomeia José Telo Soares Cristovão, Maria Domingas Alves no Agostinho Letêncio de Deus, atu ezerse mandatu ba tinan lima, ho rejime dedikasaun eskluzivu, nu’udar Komisáriu Funsaun Públika. Konsellu Ministrus mós deside hodi indika Agostinho Letêncio de Deus nu’udar Prezidente Komisaun Funsaun Públika.
Iha Termo de Posse ba Prezidente Komisaun Funsaun Publika Foun Agostinho Letencio De Deus ho Komisario sira ne’ebé Deside ona, Prezidente CFP Foun Deklara iha Nia Mandatu tinan Lima oin mai, sei tau Prioridade liu ba Kareira Profisionalismo no Kapasitasaun Funsionariu Publiku sira hodi Hala’o Servisu ne’ebe ho Efikasia no Efisiente.
Nune’e mos Prezidente Komisaun Funsaun Publika Foun ne’e ,Sei Ajusta Planu ba Baze De dadus ba Sistema Dijitalizasaun hodi Haforsa liu tan Servisu Funsionariu sira nia atendementu publiku.
“Programa Prioridade mak hare liu ba Baze De dadus Dijitalizassun ba Forsa Trabalho sira iha Munisípiu sira ne’ebé ita halo ita tinan ida ne’e.Ba Tinan oin to’o Tinan Lima mak ita sei hare ba Dijitalizasaun Funsaun publika ba Funsionariu sira hodi assesu iha Fatin ne’ebé Deit,” Dehan Prezidente CFP Foun iha Serimonia Termode de posse ne’ebe hala’o iha CFP Kaikoli Kuarta ne’e (22/11).
Letencio Afirma Programa importante seluk ba Tinan lima oin mai mak sei asegura Kualidade Prestasaun servisu,tanba atu hetan kualidade servisu ne’e ita presiza Desenvolve sira nia Kompetensia no Kapasidade.
“Desenvolve valores etika Kultura servisu iha Prosesu Atendementu publiku sira Instituisaun Estadu nian,tanba ne’e iha Mandatu Tinan Lima oin Komisaun Funsaun Publika sei tau Atensaun ba Asuntu ne’e.” Deklara Prezidente CFP Foun.
Tuir nia Katak papel servisu Funsionamentu Funsaun publika importante tebes ba konstrusaun Estadu hodi Kontribui ba Desenvolvimentu Nasaun.
“Servisu Administrasaun ne’ebe diak hakerek ona iha KRDTL katak tenki Tenki Atas Interese estadu nian ,Administrasaun servisu sira tenki mai ho Servisu ne’ebe ho Estruturado hodi fo Atendemento ba Populasaun.”tenik Nia.
Prezidente CFP mos Deklara sei tau Atensaun maxímu ba Funsionariu Publiku sira hodi Hala’o servisu ne’ebe ho Profisionalismo iha prestasaun Servisu loron loron nian.
Tuir nia Servisu Profisionalismo nudar Feramentu ne’ebe importante ba pais hodi Aselera Desenvolvimentu no fortalesa Demokrasia no sai mos save ba Alkansa no justisa iha Sosiedade no Estabilidade nasional.
Prezidente Komisaun Funsaun Publika Foun ne’e Deklara sei tau Mos Plano oinsa atu Kapasita Funsionariu sira hodi bele hatudu Profisionalismo servisu iha Instituisaun Estadu, ne’ebe ho efikas no Efisienta bazeia ba sistema Merito ne’ebe adopta iha KRDTL.
“Kontinua Desenvolve Sistema Dijitalizasaun no jestaun Funsionariu Publiku ,Ami nia sei Melora sistema Planeamento no Rekrutamento ,Ami sei kontinua Desenvolve kompetensia Funsionariu Publiku, liu husi formasaun no edukasaun oin oin.tanba ita espetativa mak oinsa atu produz Funsiona ne’ebe Iha Koinesimentu no Abilidade, hodi ateinji matan no objektivu husi Instituisaun sira.” Nia Adirma.
Prezidente Komisaun Funsaun Publika mos Agradese ba Komfiansa ne’ebe NonuGovernu Konstituisional Depozita ba Prezidente ho Komisario sira ,ba Mandatu tinan Lima oin mai.
Enkuantu Primeiru Ministru Kayrala Xanana Gusmão, Afirma katak Ho Kriasaun Funsaun Publika ne’e oinsa atu hare dezenpenho servisu Funsionariu sira Hotu hotu iha Instituisaun Estadu sira,nomos oinsa atu hasae Kapasitasaun no Kualidade Prestasaun servisu iha Munisípiu sira.
“Kuandu ita koalia kona ba kriasaun de emeprego laos atu hatama ema mai iha komisaun Funsaun publika , laos kriasaun de Empregu.Ita presiza iha kada Munisipisiu funsianariu ne’ebe diak ho kualifikadu,katak atu hadia no Servi Instituisaun Estadu.”Xefi Governu Aproxima.
Xefi Governu ne’e Akresenta Responsabilidade bo’ot ba imi nia Misaun atu hakbiit estadu iha ninia Funsaun hodi servi povu no rai ne’e Ho diak.
Primeiro Ministru Xanana Gusmão Hatete nomeisaun ba Kargo foun ba Presidente Komisaun Funsaun Publika ne’e Ho Objektivu atu hala’o dezenpenho Servisu ho diak ba Instituisaun Estadu sira ho diak.
Nune’e mos Tuir Primeiru Ministru Kayrala Xanana Gusmão katak Nonu Governu Konstituisional nia programa Prioridade ba tinan Lima oin mai mak atu kria Desenvolvimentu ekonómiku no Kriasaun de Empregu.(JAVEL)
