DíliPost.Com- Prezidente Republika Guinea Bissau General Umaro Sissoco Embalo ho Nia Delegasaun to’o ona iha Aeroportu Internasional Nikolau Lobatu Díli , Domingo ne’e loron 26 Novembru, ho Aviaun Privado Marka N890DA iha Tuku 13.15Htl Loraik ne’e.
Prezensa Xefi Estadu Guinea Bissau ho Nia Delegasaun ne’e, Hodi Partisipa iha Komemorasaun Aniversario Loron Proklamasaun Independensia Unilateral ba Dala 48, ne’ebe Timor Leste sei selebra Loron Importante ne’e Iha Resintu Palasio Prezidente Aitarak Laran.
Observasaun Dilipost.com iha Aeroportu Nikolau Lobatu ,nota Katak Wainhira Prezidente Republika Guinea Bissau General Umaro Sissoco Embalo ho Nia Delegasaun tun Husi Aviaun Simu Direita husi Ministro Negosio Estranjeiru (MNEK), Bendito Freitas no Parada Militar, Molok Hakat ba sala VIP Aeroportu nian.
Hafoin ne’e Xefi Estadu Guinea Bissau ho Nia Delegasaun Kontinua Kedas ba Fatin Deskansa ne’ebe Komisaun Organizadora Prepara ona ba Bainaka Importante sira Husi Estranjeiru ne’ebe sei Partisipa iha Selebrasaun Loron Aniversario Proklamasaun Independensia ba tinan ne’e.
Delegasaun importante husi Guinea Bissau ne’ebe Akompanha Prezidente Republika mak hanesan Ministro Negosio Estranjeiru no Koperasaun Internasional e das Comunidades Carlos Pinto Pereira, Konseleiru Politika Prezidente Republika, Fernando Delfin da silva, Konseleiru Diplomatico Prezidente Republika, Embaxador Alfredo Lopes Cabral, Konseleira Prezidente Republika Yesenia Ibrahim.
Tuir Ajenda ne’ebe Dilipost.com Assesu katak, Durante Estadia Prezidente Republika Guinea Bissau ho Nia Delegasaun iha Timor Leste, Sei Hasoru malu mos Ho Prezidente Republika José Ramos Horta no Primeiru Ministru Kayrala Xanana Gusmão.
Reportajém:Javelino
