DíliPost.com-Relasiona ho Mudansa Estrutura Bankada Partidu Kmanek Haburas Unidade Nasional Timor Oan (KHUNTO), iha Uma Fukun Parlamentu Nasional (PN), Actual Deputada KHUNTO Olinda Guteres Lamenta tebes ho Karta ne’ebe husi Konseleiru Maxímu Partidu KHUNTO José dos santos “Naimori Bucar ” ne’ebe Diriji ba Prezidente Parlamentu Nasional Maria Fernanda Lay, hodi Subtitui Xefi Bankada KHUNTO Actual Deputada olinda Guterres husi nia Kargo ,sem liu husi Konsiderasaun ruma ba Nia, tan ne’e Deputada Olinda Guteres ho Emosaun hodi Hasai Liafuan Maupagador ba nia Konseleiru Maxímu rasik no laiha Relasaun familia.
Olinda Guteres ne’ebe dadaun ne’e hanesan Deputada Husi partidu KHUNTO hodi Reprejenta povu iha uma Fukun Parlamentu Nasional, Haktuir karta Subtituisaun ba Xefi Bankada KHUNTO ne’e nia parte rasik lahatene ,No Derepente deit Prezidente Parlamentu Nasional Le Sai iha Plenaria PN iha Segunda Feira foin lalais ne’e loron 12 Fulan Fevereiro Tinan 2024.
Deputada Olinda Guteres hatete Antes ne’e nia Laiha Komunikasaun ruma husi Konseleiru Maxímu Partidu KHUNTO José dos santos “Naimori Bucar ” kona ba Mudansa Estrutura Bankada nian ,tanba Antes ne’e Deputada Olinda Guteres ba hala’o Tratamentu saúde iha Nasaun Malasia, hafoin Fila mai ,iha Segunda Feira ne’e Derepente deit le sai iha Plenaria.
Deputada Olinda Guteres mós Konsidera Lolos Konseleiru Maxímu Diriji uluk karta ba iha Bankada, mak Membru sira hala’o Emkontru hodi bele Deside ema ruma ba Asume Fali Kargu nudar Xefi Bankada KHUNTO foun iha Parlamentu Nasional.
“Hau la gosta Senor Naimori ne’ebe halo Buat ida hanesan ne’e , bele troka hau nudar xefi Bankada maibe tenki Konsultasi ho hau no Deputadu sira ne’ebe iha Parlamentu, laos nia halo karta diriji direita ba Prezidente Parlamentu signifika ne’e saida? Hau durante ne’e nunka simu karta ruma husi Senor Naimori ,tanba ne’e hau hirus oituan? Tanba hau ba konsulta tiha iha Rai liur fila fali mai Le Sai fali iha Plenaria. ” Lamenta Deputada Olinda Guteres iha PN Segunda Foin Lalais ne’e.
Deputada Olinda Guteres Fo Hanoin ,Molok atu halo karta ba Prezidente Parlamentu tenki kordena uluk ho Bankada nune’e Membru Bankada sira bele realiza emkontru hodi deside Prezidente Bankada foun.
“Hau atu dehan deit Senor Naimori tau hau Hanesan Boneka ,Dudu hau ba Karuk hau ba tuir,dudu hau ba los hau ba Tuir!,Mais Senor Naimori nia haruka hau ne’e atu halo saida ,hau tenki halo tuir nia Hakarak,ikus mai hau dehan Hau labele.”Katak Olinda.
Ho Hirus Olinda Guteres Deklara, Hanesan hau ida olinda ne’e hau la hamrok liu kona ba Poder,hau so Kapasidade la iha mak hau hamrok ba poder, Hau mos sente a’an kuandu hau iha Kapasidade hau bele sei Ministra ga Administradora ruma,ne’ebe hau Kapasidade laiha diak liu hau tur nonok.
“Ne’e hatudu familiarista ,hau lagosta mak, hau nudar ema idade ida foti hau sai tan sira nia inan ba Partidu ,ikus foti hau riba ba mai ,ida ne’e Mak hau la gosta,ita hasai ne’e tenki tuir jalur no tenki hatama karta ne’e mai Bankada mak bele deside.” Hatete Deputada Olinda Guteres.
Ho Emosaun ne’ebe Makas Liu tan ,Ikus mai Deputada Olinda Guteres Hasai tan Liafuan Kroat ka Hotar Konseleiro Maximu KHUNTO.
“Hau hirus tebe-tebes Senor naimori tanba la konsidera hau, labuat ida Ramelau ,matebian ,Kablaki sei Buka, Rai Lolon sei hatun o, loron kalan Husi Díli ba Ainaro no Ainaro Mai Díli, se maromak ne’e laiha no Matebian ,Kablaki Ramelau laiha o sei Moris Kleur? Maibe hau idade 74 o bele halo fali hau Hanesan Boneka. Hau nia familia deit la halo hau Hanesan Boneka, hau laos Inan aman hamutuk ho Naimori no laos familia ho Naimori no Maupagador hanesan Naimori ne’e hau la gosta.”Deklara Olinda.
Tan Deit Mudansa Ba Estrutura Bankada nian Iha Parlamentu Nasional, Ikus mai tan Deputada Olinda Guteres ne’ebe dadaun ne’e Tur iha Kadeira Parlamentu Nasional liu husi Sucesu Partidu KHUNTO nian Iha Eleisaun, hasai tan Liafuan hodi kontra Konseleiru Maxímu Partidu KHUNTO José dos santos “Naimori Bucar “, ne’ebé hatete katak Juramentu KHUNTO ne’ebe Konseleiru halo ne’e Juramentu Falsu.
“Juramentu Ramelau Falsu,Juramentu KHUNTO falsu ema ne’ebé juramentu no la vota ba KHUNTO la mate to’o ida,no juramentu Ramelau nia rasik mak akompanha to’o iha Ramelau tutun dehan buat ne’ebé Cezar nian ,nafatin Cezar nian ,no buat ne’ebé maromak nian fo ba maromak nian? Maibe agora Cezar ho Maromak nian tama hotu (Naimori), nia Bolsu.” Hatete Olinda.
Ho Problema neebe akontese iha Bankada Kmanek Haburas Unidade Nasional Timor Oan (KHUNTO) ne’e ,Deputada Olinda Guteres mós Afirma nia Prontu Atu Sai Husi Parlamentu Nasional.
“Hau prontu sai husi Parlamentu bainhira deit naran katak imi Respeita hau.” Olinda Deklara.
Enkuantu ho Karta ne’ebe husi Konseleiru Maxímu ba Prezidente Parlamentu Nasional ne’e, José Dos Santos “Naimori Bucar ” Identifika Deputadu Antonio Verdial mak asume fali Kargu nudar Xefi Bankada KHUNTO nian Iha Parlamentu Nasional no Antonio Da silva nudar Vice I no Luis Roberto nudae vice II.
