DiliPost.Com- Ministra Estadu Reinu Unidu bá Indo-Pasífiku, Anne-Marie Trevelyan Hatete Governu Reinu Unido (UK), Sei Kontinua Apoiu Timor Leste ,Liu Liu Simu Timor Oan sira hodi ba Servisu iha Inglatera ka Reino Unido,Maibe Husu Timor Oan sira atu Evita Halai Illegal.
Governante Reino Unido Anne-Marie Trevelyan Hato’o Prontidaun ne’e, Hafoin Hasoru ho Primeiru-Ministru, Kay Rala Xanana Gusmão hodi deskute kooperasaun bilaterál rai rua ba futuru.
“Hau Mai Timor Leste Hau Mai Koalia Mos Kona ba Timor Oan sira ne’ebe imigra iha Reinu Unido,sira Nia Visa no Passaporte Balun Liu ona Data Validade no Timor Oan Balun mos ba ho illegal,maibe hau koalia ho Governu Timor oinsa atu Haruka Timor Oan sira ba, maibe labele Liu husi Dalan Illegal.“Dehan Ministra Estadu Reinu Unidu bá Indo-Pasífiku, Anne-Marie Trevelyan iha Palasio Governu Dili Sesta ne’e (29/9).
Ministra Estadu Reinu Unidu bá Indo-Pasífiku, Anne-Marie Trevelyan Reforsa tan Governu Reino Unido nafatin iha Prontidaun atu Simu Timor Oan sira ne’ebe ho Familia iha Interese atu ba Servisu iha Reinu Unido ka Inglatera.
Anne-Marie Trevelyan nu’udar lider no membru governu feto ida hosi hosi Estadu Reinu Unidos hala’o primeira vizita mai Timór hodi deskute kooperasaun bilaterál rai rua nian, inklui ko’alia mós kona-ba politika Reinu Unidu prontu nafatin atu simu timor-oan sira ne’ebé hakarak ba servisu.
Primeiro Ministro RDTL Kayrala Xanana Gusmão Agradese ba Vizita Ministra Estadu Reinu Unidu bá Indo-Pasífiku, Anne-Marie Trevelyan nian Maibe Timor Leste, tanba Husi Vizita ne’ebe koalia mos Kona ba Timor Oan sira ne’ebe dadaun Ne’e buka moris Iha ema Nia Rai.
“Ha’u agradese teb-tebes ba nia tanba ita iha Timor-oan liu rihun 20 maka servisu iha United Kingdom (Reinu Unidu) ne’ebá. Nia dehan foin lalais mosu problema hanesan pasaporte no visa maibé nia (Ministra Estadu Reinu Unidu bá Indo-Pasífiku, Anne-Marie Trevelyan) dehan katak la’ós problema ida ne’e, problema maka Timor-oan balun hakarak tama ho ilegál, ida ne’e mak labele, más nia mós dehan katak United Kingdom prontu atu simu tan Timor-oan sira ba servisu iha ne’eba, ida ne’e di’ak tebes ita husu de’it ita nia joven sira mantein dixiplina,” informa PM Xanana .
Xefi Governu ne’e husu Timoroan sira atu labele koko viazen illegal hodi kumpre regras hotu, nune’e bele fó oportunidade ba Timoroan seluk atu ba servisu no buka esprensia atu fila mai implementa iha Timór.
“Reinu Unidu sei kontinua simu Timor-oan sira ho di’ak, no Reinu Unidu kontinua iha esperansa katak sidadaun Timor sei bele sai parte hosi ekonomia Inglatera hodi bele apoia ekonomia sira nia família iha Timor-Leste.” Deklara Xanana.
Tuir dadus hosi imigrasaun Reinu-Unidu nian regista Timoroan kuaze rihun-20 liu maka dadaun ne’e hetan oportunidade no kompeténsia manan esperiénsia ho serbisu oin-oin.
Iha Vizita Dahuluk Governante Reino Unido ne’e Mai Timor Leste parte Rua mos Deskute Kona ba Reinu Unido Nia apoiu ba Timor-Leste atu sai membru plenu ASEAN,nomos Apoiu Timor Leste Nia Dezenvolvimentu Nasional Liu Liu iha Setor Saúde,Nutrisaun no Igualdade jeneru.
Reportazem: Javelino Da Silva
