BAUKAU (DÍLI Post)- Deskonfia Lafaek tata ka Han Sidadaun Ida ho Naran Francisco da Costa Belo ho idade 35 iha Area Tasi Aslae-Ana ,Suku Tirilolo ,Munispíu Baukau Iha Sabadu Semana kotuk Loron 3 Fulan Fevereiro ne’e.
Tuir Kronologia husi Akontesementu ne’e, Maun husi Sidadaun ne’ebé Deskonfia Lafaek Han, Costantinho Da Costa Belo Haktuir,Iha Loron Sabadu por volta iha Tuku Ha’at Loro karaik Sidadaun ne’ebé Deskonfia Lafaek Han , hamutuk ho nia Kolega Nain tolu,Atu ba Luku tasi iha Area Aslae-Ana.
Maibe iha Fali Tuku 1.00 Madrugada Familia sira simu Fali Telefone Husi Nia Kolega Sira katak, Francisco da Costa Belo hetan tata Husi Lafaek iha Tuku 00.00 Kalan, Rona Tiha Novidades ne’e Familia sira hakat kedas ba fatin Akonsementu hodi imforma kedas ba Autoridade Seguransa no Autoridade Protesaun Sivil hodi Buka Tuir.
Costantinho Konta tuir,ho Akontesmento ne’e Familia sira Deskonfia katak Lafaek mak Tata no han Sidadaun Francisco Da Costa Belo, Nune’e Familia no Autoridade sira Tenta buka tuir Lafaek nia Ain fatin,ikus Mai Konsege hetan duni Lafaek ne’e iha Area Waikua, Suku Bucoli Munisípiu Baukau iha Segunda loron 5 Fulan Fevereiro ne’e porvolta tuku 16.00 Lorokaraik.
Wainhira Familia no Autoridade sira Hetan tiha Lafaek ne’e, Komunidade sira Deside hodi oho lafaek, Atu identifika Los Duni Ga lae? Sidadaun ne’e lafaek tata no han!, maibe Realidade wainhira komunidade sira oho tiha Lafaek ne’e, laiha Sinal ruma iha Lafaek laran katak Lafaek ne’e Han ka Tolan ema.
“Durante loron rua família diskonfia duni Lafaek mak tata tanba ne’e sira buka tuir Lafaek nia ain fatin hahu husi tasi parte hasalae-ana to’o mai tasi ibun parte Waikua suku Bucoli no sira konsege hetan Lafaek ne’e iha segunda-Feira tuku haat lorokrai.Nune’e família ho parte seguransa, Protesaun Sivíl, bombeiros no komunidade Konsege kaer duni Lafaek ne’e Kuaze ho medida naruk metro 4.10 no boot cm 50 iha area tasi Waikua.” Costantinho Haktuir ba Jornalista sira segunda ne’e (5/2).
Constantino Expresa Maske Komunidade sira Oho ona Lafaek ,ne’ebe Deskonfia Tata sidadaun Refere,Nia Parte Kompromete katak sei hamutuk ho Komunidade sira hodi Halo’ot fali Lafaek nia isin mate tuir Tradisaun rai Ne’eba nian.
Costantinho Dehan nia la rai odio ba Lafaek ne’e, Maibe Tan deit diskonfia Katak ,lafaek ne’e mak Tata ka han sidadsun Francisco Da Costa Belo, mak Komunidade sira koa duni para hodi hatene los los.
” hau la odio nia (Lafaek), hau prontu Halo’ot fali no halo tuir husi Kultura ne’ebe Durante hau nia beiala sira, rai hela,tanba diskonfia, Lafaek ne’e mak tata no kolega sira Luku hamutuk ne’e hare ho matan lafaek tata nemak hau diskonfia lafaek ida ne’e” Dehan Constantino Maun husi Francisco da Costa Belo.
Nudar Maun Bo’ot iha Familia, Constantino husu nafatin ba parte Protesaun Sivíl atu kontinua hamutuk ho família hodi buka tuir nia alin ne’ebé lakon iha tasi to’o agora Seidauk hetan.
Iha Parte Seluk Xefe suku Tirlolo Elbino Freitas Belo Deklara Katak, Komunidade sira laos ho intensaun a’at atu oho Lafaek ne’e, maibe diskonfia lafaek ne’e mak Tata ka Han Sidadaun, tan ne’e mak Familia sira Deside oho hodi hatene los, maibe realidade lafaek ne’e la Han ka Tolan.
Lideransa Lokal ne’e afirma nu’udar autoridade lokal sei kopera ho autoridade seguransa hodi Tulun família atu buka tuir nafatin sidadaun ne’e hodi bele hetan nia Mate Isin.
“Tanba to’o agora seidauk hetan, família sira ho autoridade lokal no autoridade seguransa kopera malu hodi buka tuir, hodi buka hetan tiha, mesmo to’o semana ida mos tenke buka tanba ne’e ema laos animal.” Dehan Xefe suku Tirlolo.
Enkuantu to’o Agora Familia no Autoridade Seguransa no Protesaun Sivil, Munisípiu Baukau Kontinua Buka Tuir Sidadaun Francisco Da Costa Belo, nia Isin Mate ne’ebe Deskonfia sei iha Tasi Laran.
Jornalista:Javelino silva
