Dilipost.com – SEA Games 2025 Thailandia hatudu katak modalidade Boxing sai hanesan desportu ne’ebé kontribui medalla barak liu ba Timor-Leste iha kompetisaun rejionál ida ne’e. Ho espírito luta ne’ebé maka’as no determinasaun aas, atleta boxing sira konsege hasae Timor-Leste nia naran ba pódiu ASEAN.
Iha tinan ida ne’e, modalidade Boxe konsege hetan rezultadu ne’ebé orgullu tebes ba nasaun, ho total medalla lima (5), kompostu husi.
1 Medalla Osan-Mutin (Silver)
4 Medalla Bronse (Bronze)
Rezultadu ida ne’e hatudu progresu bo’ot iha dezenvolvimentu boxing nasional, maski Timor-Leste seidauk konsege lori medalla osan-mean. Prestasaun atleta sira iha ring laran sai prova katak investimentu iha treinu, dissiplina no apoiu tékniku hahú fó rezultadu ne’ebé pozitivu.
Sucessu ne’e la bele haluha kontribuisaun husi atleta sira hotu, treinadór, no ekipa téknika, ne’ebé servisu ho fuan tomak hodi defende no honra Bandeira RDTL iha nivel internasionál.
Modalidade Boxing agora sai hanesan inspirasaun ba desportu sira seluk no motiva juventude Timor-Leste atu kontinua pratika desportu ho seriedade.
Husu Apoiu kontinua husi governu, federasaun no povu sei sai fator importante atu prepara atleta sira ba kompetisaun sira tuir mai no hasa’e tan prestíjiu desportu nasional.
Timor-Leste hakmatek kontinua luta, kontinua evolui, no kontinua haksolok iha dalan desportu.
JORNALISTA : Azacsi Quintão
