Dílipost.com, 18 Janeiro 2026– Prezidente Federasaun Futeból Timor-Leste (FFTL), Nilton Telmo Gusmão dos Santos, hato’o agradesimentu boot ba povu Timor-oan tomak ne’ebé hatudu ona sira-nia domin ba futeból liuhosi partisipasaun másimu iha abertura taxa da liga FFTL.
Iha jogu abertura ne’ebé hala’o ho kbiit no lalehan futeból nian, Nilton Gusmão hateten katak prezensa espetadór sira nian fó kbiit foun ba dezenvolvimentu desportu iha rai laran.
”Ita haree ohin animu boot tebes. Sosiedade ne’ebé hadomi futeból sira hotu mai partisipa no mós fó apoiu ba ekipa rua ne’ebé joga,” dehan Prezidente FFTL ba jornalista Dili Post iha Estádio Munisipál Dili.
Maski jogu abertura entre ekipa rua ne’e termina ho rezultadu hanesan ka 0-0, Nilton sente orgullu tanba kualidade jogu no fiksaun hosi adeptu sira la’o ho di’ak no dame. Nia fiar katak ho apoiu hosi parte hotu, kompetisaun ne’e sei sai di’ak liután iha futuru.
”Ohin ema hotu kontenti tanba konsege halo atividade ida ne’e. Fiar katak atividade ida ne’e bele kontinua la’o ho apoiu ema hotu nian, no ami sei organiza di’ak liután,” nia hatutan.
Prezidente FFTL ne’e mós subliña Ohin ema hotu kontenti tanba konsege halo atividades ho kontribuisaun hosi komunidade ne’ebé fó apoiu diretu liuhosi sira-nia prezensa iha estádiu.
Jornalista : Azacsi Quintão
