DILI Post-Ministru juventude Desportu Arte no Cultura (MJDAK), Nelio isaac hateten, ohin Governu simu Atleta Paralimpiku hanesan serimonia ‘Pelepasan’ ou husik malun, Sira mos prontu atu ba partisipa iha ASIAN GAMES, iha HanJou Xina.
“Ita bo’ot sira hatene iha semana rua tan joguz ASIAN GAMES, ba dala 19, iha Hanjou Xina se’i termina no kontinua kesda joguz Paralimpiku. Tanba ne’e, ita nia delegasaun atleta Paralimpiku Timor-Leste (TL), se’i ba partisipa sei aranka husi ne’e, iha dia (15/10/23), i mais menus semana rua tolu tan sira se’i iha HanJou atu partisipa iha joguz Paralimpiku nian,”Nelio hato’o kestaun ne’e, hafoin despedida ho Atleta iha Palasiu Governu, Kinta-feira (05/10).
Delegasaun se’i ba hamutuk ho Atleta ho delegasaun tomak iha 25, pesoas ho Atleta ne’ebe se’i tu’ir joguz hamutuk nain 11, total delegasaun akompanhamentus ba,”ita nia Atleta inklui Offisiais hamutuk 25 pessoas se’i partisipa.
Medalla Osan Mean
“Ita hotu hatene, Atleta Paralimpiku sempre hamorin beibeik Timor nia naran iha joguz Internasional. Tanba ne’e, ita hanoin ASIAN GAMES, ba dala 2 ou 3 tan ona no tinan uluk partisipa Atleta Paralimpiku lori Medalla osan mean ho Osan mutin ita espera tinan ida ne’e, sira fila-fali mai fo nafatin prestasaun ne’ebe ita hotu-hotu espera no ita hotu hakarak,”tenik nia.
Nia fi’ar sira hotu-hotu preparadu ba ida ne’e, sira hotu-hotu iha komitmentu liu-liu ba Atleta ne’ebe ‘Pernah Juara’, se’i ‘Mempertahankan’ buat ne’ebe sira hetan ona ita orgullu ho sira nia prestasaun ne’ebe sira fo mai ita povu TL,”nia sujere.
Klaru sira hatene ona offisiais sira hatetene Regras iha ne’eba hatene ona prosedimentus atu ba parsipa kada atleta hotu-hotu hatene tantu buat ruma akontese iha ne’eba ema hotu ezije responsabilidade.
Prontu.
“Ha’u sente sira prontu, Atleta Paralimpiku prontu, delegasoins prontu, Komite Nasional Paralimpiku (KNP-TL), prontu atu simu responsabilidade iha kualker tempu.
Maibe, ida ne’e ha’u bele dehan problema la iha, tanba sira hotu-hotu prontu ona atu ba partisipa, i intermus ‘Persyaratan’ ou Regras hotu-hotu sira kumpri ona liu husi sub-misaun ne’ebe sira hato’o ba iha Komissaun Organizadora,”tenik Nelio.
Aleinde ne’e, Atleta hirak ne’ebe atu ba partisipa iha ASIAN GAMES, ne’eba Atleta iha modalidade tolu. Atleta modalidade 3, ne’ebe atu ba partisipa iha ASIAN GAMES hanesan hi’it besi, tennis meja ho Atletizmu.
Biban hanesan tu’ir Predizente interenu CPTL Mateus Lucas hateten hala’;o preparasaun iha rai laran,”ita ho orsamentu Governu $ 50 Mil, preparasaun iha rai laran ba kompetisaun iha fundus husi Governu ho $ 100 Mill resin hodi kompete.
Defisiensia Presiza.
“Ami nia hakarak, kria kondisaun tanba Defisiensia presiza kondisaun dignu, i ami mos la bele ezije demais. Tanba, hare’e ba kondisaun hotu, ami hakarak Governu kria kampu trenu nian, i to’o agora ami nia edifisiu KPTL la iha.
Federasaun sira mos la iha edifisiu ne’ebe ami presiza kondisaun ida ne’e, no kampu ba trenu araska, ami rekomenda mak ida ne’e,”Mateus hateten.
Labele Promete
Atleta Tennis Meja Paskoela dos Santos Pereira konta katak, iha 2018 nia hetan Juara 3, iha Tennis Meja nian iha ASIAN GAMES, iha tinan uluk, Se’i esforsu an joga tu’ir no bele, nafatin atu kompete.
“Ha’u la bele promete maibe, ha’u se’i esforsu ha’u nia an joga tu’ir saida mak ha’u bele, ha’u mos prontu ona atu kompete, i buat hotu-hotu ha’u entrega de’it ba Nai Maromak, ha’u forsa nafatin atu kompete hodi bele lori Nasaun ida ne’e ba oin,”nia konklui,(charles)
