Dili Post-Relasiona ho selebrasaun loron Mundial Profisores Organizasaun no Parseiru Ministeriu Edukasaun Haburas Dezenvolve Talentu (HADESTA), husu Ministeriu Edukasaun (ME), ta’u matan ba Profisor Voluntariu sira no investe ba ekipamentus pratika hanesan Labotoriu no Biblioteka iha Eskola sira.
Tu’ir, Diretur HADESTA Francisco de Arouju hateten, kontribusaun Manorin sira bo’ot tebes, tanba atu hala’o dezenvolvimentu ba rai presiza Profisor sira nia matenek atu bele fahe tutan ba foin sae sira atu nune’e, bele sai kriativu.
Governu tenke kria Eskola Tekniku Profisional no Eskola Sekundariu Jeral, maibe la iha Kualidade Edukasaun ne’ebe di’ak. Timor-Leste (TL), la iha kualidade Edukasaun ne’ebe di’ak, tanba durante ne’e, Eskola barak la iha kualidade.
“Ita hatene Manorin hanesan, Mata Dalan (MD), ba dezenvolvimentu se’i la iha Manorin no kontribuisaun Manorin sira nian ne’e, bo’ot liu. Tanba, atu dezenvolvimentu ba rai ne’e, presiza Profisor sira nia matenek atu bele fahe tutan ba jerasaun foun sira inklui ita nia juven sira.
Tenke iha kriativu, tanba ita hantene atu sai ema boot iha Nasaun presiza Profisor,”hateten Francisco iha Centru Fomasaun HADESTA ambitu selebrasaun loron Mundial Profisor Ai-Mutin-Dili, foin lalais ne’e.
Nia afirma, Governu tenke kria Eskola Tekniku Profisional no Eskola Sekundariu Jeral, maibe la iha Kualidade Edukasaun ne’ebe di’ak.
TL ne’e, la iha kulaidade Edukasaun ne’ebe di’ak,”tanbasa ha’u dehan hansan ne’e, tanba durante ne’e, ita nia Eskola barak La iha kualidade,”katak Francisco. Nia fundamenta, durante Eskola barak iha TL maoria halo atividade pratika iha Eskola, falta ekipamentus hanesan Laboratoriu no Biblioteka inkklui fatin pratika la dun dignu ba Estudante sira no Eskola sira hanesan Teknika Vokasional sira Governu la dun ta’u atensaun maximu.
Manorin Voluntariu
Diretur ne’e mos, sujere ba ME atu ta’u matan ba Profisor voluntariu sira iha TL kuaze 5000 resin ona servisu la iha no kbi’it tanba sira servisu hanesan Profisor Voluntariu hela de’it.
Presiza fasilita Profisor Voluntariu sira tanba durante ne’e,”ita nia Profisor Voluntariu iha TL Kuaze 5000 resin, sira la iha kbi’it atu bele sustenta sira nia familia uma laran.
Tanba, sira Voluntariu hela de’it fila ba familia la iha Finanseiru atu sustenta an, tanba, Governu la ta’u matan. Maibe, Profisor hanesan hanorin alunus sira atu sa’i Kualidade.
Nia hatutan, Governu lalika mantein hela de’it halo rekrutamentu Voluntariu hela de’it. Presiza Profisor sira atu permanente hodi nune’e, bele garante liu tan Kualidade Edukasaun iha TL.
SEE Rekonese
Responde ba kestaun hirak ne’e, Sekretariu Estadu Ensinu (SEE), liu husi Diretur Nasional Ensinu Sekundariu Jeral Bejamin Gomes da Cruz Fernandes hateten, ME mos preukupa menus Rekursu Umanu (RU), no hakbi’it Profisor sira liu husi Formasaun, tinan oin se’i halo rekrutamentu ba Profisores sira.
Tanba ne’e, ME mos preukupa bo’ot menus iha RU no Edukasaun nafatin fo Formasaun. Sei menus iha kuantidade Profisor ME iha tinan oin se’i prepara rekrutamentu ba Profisor sira.
Se’i hala’o rekrutamentu bazeia daduz no tempu besik ekipa husu ME Rrekolla kuadru Pesoal. (Donny)
