DILI Post, 27 – 11 -2025 – Sekretáriu Jeral FRETILIN, Mari Alkatiri, kritika Governu tanba hasa’e bandeira Portugal durante komemorasaun dala-50 Proklamasaun Independénsia, ne’ebé hala’o iha Palásiu Governu hamutuk ho Parlamentu Nasionál (PN).
“Halo nusa maka 50 anos proklamasaun indepedensia dada fali Bandeira Portugal iha Parlamentu Nasional. Ha’u laos kontra bandeira Portuguesa. Halo nusa maka paralemtnu tau hotu Bandeira Portuguesa. Ida ne’e 50 anos proklamasaun indepedensia ne’e,” hateten Sekjer Mari Alkateri ba jornalista sira, iha gabinente eis titular Farol.
Sekjer Marii hatutan Bandeira Portugal ne’e, uluk dada iha Palacio Governu iha lorobn 28 fulan Novembru tinan 1975. Mais agora Timor-Leste komemora tinan 50 ba proklamasaun indepensia ba dada fali iha ne’eba.
” Ho ida ne’e, ha’u husu imi tenke haree ida ne’e, la bele delek nafatin tenke loke matan. Hau laos kontra Portugal, Portugal ne’e ita rai ida neebe amigu, mais bandeira sira nia, sira nia, agora iha Parlamentu ne’e parlanmentu Timor-Leste,” nia preokupa.
Alkatiri hateten katak loron 28 Novembru 1975 mak momentu povu Timor-Leste deklaradu sai independente hosi Portugal, nune’e iha serimónia ofisiál tenke fó prioridade ba bandeira nasionál Timor-Leste, la’ós bandeira Portugal.
Iha parte nia nota katak, Bandeira Republika Indonesia maka seidauk dada iha komemorasaun 20 Maiu. Tuir lolos la bele, tanba iha regras.
“Prezidente Republika Indonesia mai iha 20 de Maiu ita teneke tau nia Bandeira iha fatin ketak, ne’e prezidente ne’ebe deit laos tau tanba komemora 20 de Maiu ita tenke tau buat ne’e iha regras, laos ita halo tuir ita nia vontade hotu,” nia rekomenda.
Jornalista : Azacsi Quintão
