COVALIMA (DILI Post)-Relasiona Ho Ema Deskonesidu ne’ebe iha Domingo Semana Kotuk, Foin Lalais ne’e hodi Tula Rahun Kareta Ekipa Eletrisidade De Timor-Leste Empreza Publika (EDTL.EP),Nian Iha Aldeia Foho Rua Suku Ogues Postu Administrativu Maucatar, Munisípiu Covalima.
Maka Ekipa Eletrisidade De Timor-Leste Empreza Publika, Deside Hamate Tiha Eletrisidade ba Komunidade iha Suku Ogues Durante Loron Ha’at no Kalan Ha’at.
Ho Asaun Husi Individu ka Ema Deskonesidu ne’e, ikus Mai Halo Komunidade Tomak iha Suku refere Sai Vitima, Tanba EDTL.EP Hamate Ahi Durante Loron Ha’at, tanba Deit Individu Balun Harahun Kareta Operasional Servisu Eletrisidade De Timor-Leste Empreza Publika nian.
Xefe Suku Ogues, Febriano Pereirra Atok husu ba Individuo Ne’ebe Pratika Hahalok Ida ne’e atu entrega a’an ba Autoridade Siguransa hodi Solusiona Problema refere.
Lider Komutariru ne’e Husu Juven sira ne’ebé hatudu hahalok bandalizmu tuda patrimonia estadu nian ka kareta Operasional EDTL, EP, Munisipiu Covalima,ne’ebe halo Komunidade Barak mak sai vitima. Tan ne’e nia husu ba Individuo Ne’ebe harahun Kareta refere Atu Entrega a’an ba Autoridade Lokal no Parte Seguransa.
“liu tiha akontese ema deskoñesidu tuda kareta operasional EDTL.EP, iha domingu foin lalais mak rezulta eletrisidade mos mate durante kalan 4 loron 4 nia laran halo komunidade maka sai vitima no fo impaktu ba iha fasilidade publiku liliu ba iha Centru Saude Ogues.”Imforma Xefi Ogues Febriano Pereirra Atok ba Jornalista sira Foin lalais ne’e.
Autoridade Lokal ne’e Deklara, Bainhira La Entrega a’an ba Autoridade Siguransa, mak Lideransa Lokal Hamutuk ho Polisia Nasionál Timor-Leste hodi buka tuir Autor ne’ebe mak Harahun Patrimoniu Estado nian.
“Kazu ne’ebe akontese iha Domingu kalan foin lalais husi oknum ka individu ne’ebé tuda kareta EDTL.ep, hanesan Autoridade Komunitaria sente paniku ho triste tanba akontesimentu ida hanesan mos krime kontra estadu tan ne’e hanesan lideransa komunitaria la satisfa, ami nafatin kopera ho parte seguransa atu bele buka tuir sidadaun/individu ne’ebé hatudu nia attitude ladi’ak hodi estraga transporte liliu ba EDTL.EP halo servisu ba komunidade.” Nia Hakotu.
Jornalista:Alito De Jessus
