DILI Post – Prezidente Ukraina Volodymyr Zelensky konvida direita Prezidente Timor Leste (TL) José Ramos Horta, atu Partisipa iha Konferénsia Solidaridade Ukraina (KSU) ne’ebe sei realiza iha Loron 15 to’o 16 Juñu iha Nasaun Suiça.
Xefi estadu Ukraina konvida Prezidente Repbklika TL foin lalais ne’e bainhira partisipa sorumutu Forum Defeza-Seguransa Rejiaun Azia-Pasífiku Da Dala XXI iha Singapura.
“Hau hasoru Prezidente Republika Ukraina Volodymyr Zelensky, sira Konvida Timor Leste atu Partisipa iha Konferénsia Solidaridade Ukraina nian iha Loron 15 to’o 16 Jullu iha Suiça,” informa PR Horta ba jornalista iha Aeroportu Internasionál Nicolau Lobato-Dili Domingo (2/6), banhira fila husi Singapora.
Ho Konvite espesiál husi Prezidente Repúblika Ukraina ne’e, Xefi Estado TL José Ramos Horta deklara nia Parte sei Kordena ho Primeiru-Ministru Kay Rala Xanana Gusmão, hodi reprezentante Estado TL atu partispa iha Konferénsia Solidaridade Ukraina ne’e.
“Sira husu Timor-Leste nia Solidaridade no Kontente tebes ho Timor-Leste nia apoiu ba invasaun husi Russia hasoru Ukraina no Timor-Leste mos apoiu Humanutaria ba sira, i sira husu atu Timor Leste no Nasaun Hotu hotu atu Partisipa iha Konferénsia Solidaridade ida ne’e, atu hatudu Unidade internasional ba Violasaun Direitus Humanos ne’ebe sira hasoru,” tenik PR Horta.
Iha oportunidade hasoru-malu entre Xefi Estadu rai Rua ne’e, deskute mos kona ba koperasaun bilateral ne’ebe nasaun atu estabelese.
“Prezidente Zelensky hare no hakarak duni atu halo koperasaun bilateral ho Timor-Leste,”afirma Prezidente Horta.
Tuir horta Katak, tanba Ukraina iha buat balun ne’ebe dezenvolvidu tebes liu liu iha Setor Agrikultura. Kuandu funu bo’ot iha ukraina Krizi akontese iha Mundu tanba sira iha Produsaun numeru ida iha Mundu kona ba mina tein nian no Trigu. Tan ne’e mak sasan sira folin karun iha Mundial ne’e.
“Hau hatete ba Prezidente Ukraina katak Timor-Leste sei la husu buat ida ba sira. Maibe ita sei foka lai ba asuntu funu iha Ukraina ne’e. Tanba, sira sofre makas no destruisaun loron loron ema barak mate.Tan ne’e mak ita sei hamutuk nasaun hotu atu apoiu buka solusaun ruma liu husi Diologu ruma atu bele solusiona,” deklara Xefi Estadu TL ne’e.
Jornalista:Javelino silva
