DiliPost.com-Ministru Justisa (MJ), Sergio da Costa Hornai hateten, la admite atividade ilisitu ezisté iha Timor-Leste (TL), se de’it envolve iha kazu ilisitu se’i responsabiliza ninia aktu. Tanba, Krimi organizadu iha Mundu Eropa nakonu loos, TL Xefi Estadu hateten, bebeik, la iha Krimi organizadu Timorense, Timor-Oan la mete ba Krimi organizadu. La admite Estadu Estadu Diretu (EDD), ema hotu-hotu iha Lei nia oin, bele halo admisaun de’it ba buat hirak ne’ebé sa’i no tama tu’ir de’it Lei.
Admite
Kontrariu ho Lei la admite, se ema ne’ebé envolvidu tenke responsabiliza ba nia aktu ne’ebé nia halo, mais tenke liu husi prosesu ida ne’ebé justu iha Instuituisaun propria atu hare’e buat ne’e.
”Dala ida tan la admite saida de’it hanesan MJ hanesan kocer ho Ministreiu Negosiu Estranjeiru no Kooperasaun (MNEK), ba Komisaun Nasionál Brankamentu Kapitais Finansiamentu Terrosrizmu (KNBKFT), hanesan umbrella ‘Payung’ ba Polísia Sientífiku Investigasaun Kriminál (PSIK), instrui maibé la bele eziste atividade ilisitu iha territóriu Nasionál,”informa MJ-Sergio ba Jornalista hafoin enkontru ho PR-Horta iha Palásiu Prezidensiál Bairru-Pite, Tersa-feira (30/09) ne’e.
Perigu
Antes ne’e, PR-Horta konsidera jogu Online hirak ne’ebé ezisté iha TL fó perigu tebes ba ema nia vida. Tan ne’e, husu PM-Xanana tenke kontrolla. Jogu Online ne’e, tenke taka dunik iha TL.
Jogu Online perigozu tebes, kuitadu ema barak iha Mundu subsidiu, tanba jogu hirak ne’e. Perigozu ba Timor-Oan sira, Kasinu ne’ebé reguladu di’ak oin seluk.
PR-Horta kompara, Singapura iha, Austrália 3-4 kedas iha Darwin, Melborne, Portugál iha famozu oin seluk. Mais Kasinu,”ha’u pesoalmente la konkorda, ema ne’ebé ki’ak mehi atu ohin hetan $ 1.00.00 Mill ou $ 1 Milliaun, mais entre ema jogadór rihun sanulu ne’ebé joga, persentajen hira mak lakon, hira mak bele hetan prémiu oan-1, kada $ 10 Mill ida karik mak hetan,”PR-Horta konfesa.
Illegal
Ne’e dunik, Kasinu iha dúvida bo’ot, enkuantu mais Online ne’e, o la kontrolla. “Ha’u la du’un akompaña, ha’u la hatene, jogu Online illegál ou la’e, se Governu mak fó autorizasaun. Ha’u iha elementu ida rekolla informasaun, atu hare’e ida ne’e, maibé ita hein PM-Xanana fila mai mak hare’e tenke kontrolla,”nia dehan.
Enfrenta
“Ha’u nia amigu balun husi li’ur ne’ebé koñese buat sira ne’e, aviza bebeik hateten, kuidadu ema hirak ne’e. Ha’u lakohi temi rai nia naran, tanba rai hirak ne’e, enfrenta ameiasa hirak ne’e, ita la bele hateten husi ne’e, rai ida ne’e, rai ida ne’eba, mai husi rai, maibé la signifika sira nia Governu taka matan ba ida ne’e,”nia afirma.
Sufistifikadu
Tanba, Krimi organizadu iha Mundu ne’e, Eropa nakonu loos, TL, Xefi Estadu hateten bebeik, TL la iha Krimi organizadu Timorense, la iha Timor-Oan mete Krimi organizadu.
Tanba krime organizadu sufistifikadu tebe-tebes, sira buka saida krime organizadu, sira buka rai sira ne’ebé frazil, se sira bele, tanba sira sufistifikadu, profisionál 100%, ho ekipamentu hotu-hotu, entaun sira buka rai hanesan Timor.
Taka
Jogu Online ne’e, tenke taka dunik iha ne’e,”ha’u nia hanoin tenke taka dunik, maibé la fasil, Internet livre iha TL, konetividade di’ak, o taka iha ne’e, sira bele joga nafatin, Kambodia ou Filipina, Xina. Bele taka hotu iha rai laran mais buat hirak ne’e, sufistifikadu tebes, defisil,”nia argumenta.
Nia argumenta, Europeia sira mós susar kontrolla, Amérika susar kontrolla, mais se informasaun iha, simu taka dunik, mezmu hatene la rezolve 100%, mais tenke. La husik ema hirak ne’e, tama tenke blacklist.(lx)
