DILI Post News, 03 Dezembro 2025 – Kazu omesidu iha Munisipiu Likisa Postu Bazartete Suku fatumasi aldeia metir, relasiona ho kazu ne’e familia husu PNTL atu fo sai informasun lolo’os, tanba kazu omesidi la realsiona ho ” selingku”.
Reprejante Matebian Carlos de deus hateten, kronolojia matebian Augusta de deus kazu omesidu akontese iha Munisipio Likisa Postu administrativu Bazartete iha 29 Novembro 2025 liu, tuir infomasaun husi Polisia Nasional Timor-Leste (PNTL) hato’o iha media katak alin feto ne’e iha relasaun “selingku” deskonfia ida ne’e mak nia laen foti asaun hodi baku alin feto inklui mos baku mate xefe aldeia.
” Atu reafirma dala ida tan husi media informasaun sira fo sai, publiku konsumu ona katak ami nia alin iha relasaun “selingku” ne’e informasaun lala’os, ida ne’e arguntu falsu husi nia katuas oan, ami familia konsidera ami nia alin mate ne’e planeadu ona husi nia laen rasik,” hatete Reprejenta familia ba Jornalista Dili Post iha ospital Nasional Guido Valadares(HNGV), Kuarta-Feira(03/12/2025).
Nia dehan durante sira nain-2 moris hamtuk tinan naruk to’o gravida hein de’it fulan atu partus, foin mak nia laen deskonfia iha relasaun “selingku” maibe durante tinan naruk hamutuk nia la hatete dehan selinku ho sese?, maibe hela de’it fulan atu partus ona mak foin deskobre nia selinku to’o ikus deside hakotu nia vida.
Tanba ne’e familia la simu informasaun sira ne’ebe espalla ona iha media sosial ou iha publiku, tanba ne’e familia hatene informasaun rekolla dada’uk, kronolojia lolos husi problema rejulta alin feto mate la’os husi “selingku” maibe husi kauza seluk.
Nia esplika iha problema seluk no xefi aldeia mos hola parte hotu iha kazu ne’e, to’o baku xefe aldeia mate, Familia rona informasaun Matebian Augusta nia laen antes ne’e problema rai ho xefi aldeia ne’e, informasaun ne’ebe familia hetan.
” Ami rona informasaun xefi aldeia ” selingku” ho ami nia alin feto, orsida dehan xefi aldeia nia alin mak “selingku” ho ami nia alin feto, orsida dehan xefi aldeia nia oan mane, ami familia konsidera informasaun sira ne’e bosok no falsu,” esplika nia.
Nia akresenta agora liu husi media rekomenda ba Polisia Nasional Timor-Leste(PNTL) liu husi Servisu Diresaun investigasaun Kriminal (DIK) halo investiga klean antes hato’o informsaun ba iha publiku investiga klean mak bele fo sai.
Nia dehan tan informasaun ne’ebe fo sai lalo’os, selae ema dehan alin feto ne’e “selingku” duni mak to’o ikus nia katuas oan deside hakotu nia iss.
” ami rekomenda ba publiku konaba informasaun sira “selingku” ne’e informasaun mesak bosok de’it, to’o agora nia laen deklara katak nia mak baku,” dehan nia.
Nia husu se’e karik selinku ne’e iha duni evidensia ka la’e?, evidensia mak hatete katak nia selinku kaer toman iha ne’ebe? Ida ne’e mak evidensia foin mak deskonfia de’it maibe foti kedas desizaun ida hodi hakotu nia is.
Familia deside foti konkluzaun ida ne’e informasaun bosok falsu tanba nia hatene ona halo tiha problema sira ne’e, nia uza argumentu sira ne’e taka nia an husi sala ne’e maibe autor prinsipal nia deklera karak nia mak baku duni.
” Husi infomsaun sira ne’ebe hato’o ona iha publiku, ami husi publiku atu komprende ita iha ema ida feto ida, nia gravida nia laen iha nia nunka mais hanoin atu selinku fali ho ema seluk ida ne’e imposivel tebes,” katak nia.
Ohin loron 3 Dezembro familia deside katak sira nia alin sei la halo autopsia tanba autor prinsipal ba kazu ne’e mak nia laen rasik la involve ema seluk, tanba ne’e familia deside la halo autopsia, familia prontu translada alin nia mate isin ba nia moris fatin atu bele halot tuir prosesu kultura.
Jornalista : DILI POST
