DILI Post News – Empresáriu ne’ebé hela tinan 10 resin halo negosiu iha Timor-Leste, foin dadauk simu kondekorasaun husi prezidente republika hanesan rekoñesementu ba kontribuisaun ba dezenvolvimentu ekonomia lokal no asaun karitativa, tuir mai sei nafatin fó tempu no esforsu atu sustenta programa sosial no ajuda komunidade.
Chief Executive Officer (CEO) Virnei Rudianto kwan hatete foin dadauk simu konvite atu simu kondekorasaun espesial, hanesan rekoñesementu ba kontribuisaun no partisipasaun nia iha dezenvolvimentu negosiu no atividades karidade iha Timor-Leste.
Nia sente “hakfodak oituan” bainhira simu konvite ida ne’e, tamba rekoñesementu ne’e la’ós de’it kona-ba eziténsia empresáriu, maibé mos kontribuisaun sosial ne’ebé halo tiha ona ba komunidade sira.
Durante tinan liu bá, hola parte iha atividade, hanesan apoiu estudante sira, sustenta ema kbi’it la’ek, no halo donasaun ba komunidade iha área edukasaun, saúde no susténsia moris.
Nia akreśenta, kolaborasaun hosi komunidade Timor-Leste mak fó motivasaun ba nia atu kontinua halo servisu di’ak liu-tán.
Kondekorasaun fó husi Prezidente Republika José Ramos-Horta, no esperansa katak sei fó inspirasuan.
“Ha’u senti kontenti oituan tanba nain ulun sira bele haree ha’u nia kontribuisaun ba nasaun ida ne’e. Hau sei kontinua halo di’ak hodi ajuda komunidade,” hateten CEO ba jornalita DP iha palasio governo, iha loron hirak liu ba.
Nia hatutan tuir mai sei nafatin halo asaun karitativa, nia halo negosiu iha Timor-Leste tinan-10 resin, konsidera ida ne’e uma daruak mak kontribui ba Nasaun ne’e.
CEO mos sublinha katak Timor-Leste presija lolo’os halo investimentu forte iha parte-2 hanesan edukasaun no saúde, iha área ne’ebé hala’o parte importante ba dezenvolvimentu futuru.
Agora halo hela konstrusaun ba eskola ida iha Munisípiu Aileu, projetu ne’ebé nia oferese totalmente grátuita ba Governo.
Eskola ne’e inklui sala Tolu(3) sala aprendijazen, sala professores ida (1) no fasilidades seluk. Konstruisaun sei kontinua, orsamento gastu ba projeito ne’e “mais ou menus 100 mil ital”, maibé orasmentu final seidauk determina.
” agradece ba apoiu kolega sira ne’ebé ajuda divulga ha’u profile ba iha Palásiu Prezidente, no nia aumenta motivasaun atu kontinua kontribui ba povu,” hakotu nia.
