DÍLI Post-Relasiona Ho Desizaun Husi Governo Sentral Ne’ebé Deside Hodi Hapara Operasaun Aviaun ZEESM, Ne’ebé Durante ne’e Fasilita Konektividade Sidadaun sira hodi Viajém husi Díli ba Oekusi no Oekusi Mai Díli, maka Dadaun ne’e Autoridade RAEOA no Ministerio Transporte no Komunikasaun (MTC sigla Português), Identifika Fali Aviaun Aero Dili, ne’ebé sei Subtitui Aviaun ZEESM hodi bele Halo Operasaun ka Semo Díli ba Oekusi no Oekusi Mai Díli.
Ministro Transporte no komunikasaun (MTC),Miguel Mantelo Deklara Dadaun ne’e Tekniku sira hamutuk ho Kompanha Aero Díli, Aselera hela Prosesu Atu hetan Sertifikasaun ba Aeroportu Rota de Sandalo Oekusi, Nune’e Aviaun Aero Dili Bele hahu semo iha Tempu Besik nia Laran.
“Proseso Aero Dili Atu ba (Semo) ne’e, ita hein Sertifikasaun ba Aeroportu, Kuandu Aeroportu hetan Ona Sertifikasaun mak Foin bele semo ba Oekusi.” Imforma Ministro MTC Ne’e iha Aeroporto Nikolau Lobato Díli Kinta ne’e.(11/4).
Tuir Ministro MTK katak Prosesu ba Sertifikasaun ne’e Urjensia tanba Tekniku hahu halo nia servisu oinsa atu bele Hetan Sertifikasaun ba Aeroportu nudar Internasional ho nia Fasilidade operasaun ne’ebé tenki diak.
Governante ne’e Subliña Antes ne’e halo ona Observasaun Direita ba Aeroportu Rota de Sandalo Oekusi, Ne’ebé Governo presiza sei Hadia tan Infrastrutura Balun no Husi Empreza Aero Dili mos Dadaun ne’e Hala’o Hela Assesmentu iha Aeroportu hodi hare Besik liu tan Fasilidade Operasaun nian,molok Aviaun Aero Dili Lansa nia Voo Ba Oekusi no Oekusi Mai Díli.
Diretor Aero Dili Lourenço De Oliveira ,Subliña Nudar Emprezario Timor Nafatin Atu Apoiu Governu iha Situasaun saida deit, tan ne’e Husi Parte Kompanha Rasik Deklara, Kuandu iha ona Prosesu Sentifikasaun Legal ,maka Aviaun Aero Dili sei Semo Husi Dili ba Oekusi iha Loron Sesta loraik ,no Segunda Dader husi Oekusi Mai Díli
“Aero Dili Kompanña ida ne’ebé komersial,mais hare ba Volume Passajeirus Dili ba Oekusi ,ita Presiza tebes Konektividade, entaun Aero Díli Hare oinsa para ajuda ita nia Governo ho tempu ida hanesan ne’e, ita labele taka matan.”Lourenço Afirma.
Tuir nia Katak, Ne’e Parte Ida Konektividade Ba Povu oekusi, Alende ida ne’e bele Dada Investor sira hakarak tama oekusi, sira bele sa’e aviaun bo’ot, no bele Halo Koneksaun mos ba Nasaun seluk hanesan Singapura.
Kona ba Enfrastrura iha Aeroporto Rota de Sandalo Oekusi, Emprezario Timor oan ne’e ,Sei Apoiu Governu hodi fo Servisu ba Oekusi sira iha Aeroportu ne’e.
Iha Parte seluk Prezidente Autoridade Rejiaun Administrativu Espesial Oekusi Ambeno (PA-RAEOA),Rogerio Tiago Lobato ,Deklara Prosesu ba Sertifikasaun Aeroportu Rotade Sandalo Oekusi ne’e, ho Urjente tanba ne’e Mak Dadaun Tekniku sira hahu halo Servisu iha Terenu ,Hodi bele Aselera atu hetan Sertifikasaun Aeroportu molok Aviaun Aero Dili semo.
“Kuandu Prontu ona ami sei Marka Loron atu aviaun Aero Díli Hahu semo ba Oekusi no Oekusi Mai Díli, Maibe Agora seidauk bele fo sai tanba sei iha Prosesu ba Sertifikasaun.” Esplika PA-RAEOA.
Rogerio Dehan ,Atu Hetan Sertifikasaun ba Aeroportu Rota de Sandalo Oekusi ne’e ,Sei Lori Tempo, Maibe Autoridade Rejiaun Administrativu Espesial Oekusi Ambeno ne’e iha Esperansa katak Konektividade sei Kontinua Lao.
Enkuantu Kona ba Iregularidade ne’ebé Akontese durante Operasaun Aviaun ZEESM, Prezidente Autoridade Rejiaun Administrativu Espesial Oekusi Ambeno ,Rogerio Tiago Lobatu Afirma, Sei Loke Prosesu Investigasaun.(Javel)
