Dilipost.com- Prezidente Autoridade (PA) Rejiaun Administrativa Espesial Oe-Cusse Ambeno (RAEOA) foun, Rogèrio Tiago Lobatu ho ekipa, Domingu (28/01) dader, halao viajen ba Oe-Cusse to’o iha dalan klaran desidi fila mai Dili tanba akontese Kalohan taka metin no anin bo’ot la primeti kontinua viajen ba fatin refere.
Tuir staf Avsec, Maria Madalena Joaninha da Costa eli informa katak Lolos PA RAEOA Domingu ohin to’o mai Oe Cusse tuku 8:00. Mais, tan ‘cuaca’ mak ladun diak. Entaun, kansela fila-fali ba Dili la kongese mai iha Oe-Cusse, no Piloto sei kordena posibilidade mai fali ka lae, bainhira iha info foun hau sei atualiza,” haktiur Maria ba Dili Post liu husi via Whatsapp, Domingu ohin.
Alinde ne’e Prezidente Autoridade RAEOA Foun, Rogéro Tiago Lobatu hahu viajen husi Aeroportu Nasional Nikolau Lobatu Dili iha oras 08: 00 .
Nune’e mos informasaun husi pasajeirus Antonio Neno katak sira kansela viajen tanba klima ladun diak.
“Hare ba ‘cuaca’ la di’ak nune’e ami kansela viajen, selae ohin ami ba tun iha Alor. Maibe, fatin la iha ami fila deit ba Dili,” tenik Antonio.
Tuir orariu viajen Prezidente Autoridade RAEOA sai husi Aeroportu Internasional Nikolau Lobatu Dili, iha tuku 8:00 Otl no tun iha Aeroportu Rota Do Sandalu Oe-Cusse tuku tuku 9.00.
Entertantu iha Aeroportu Rota Do sandalu Komunidade no fundionafih hotu-hotu iha RAEOA preparadu ona atu hasoru PA foun.(Donny)
