DILI Post-Polisia Nasional Timor-Leste (PNTL), liu husi komandu Munisípiu Dili detein ona suspeitu JRX iha sela detensaun Eskuadra Polísia Dom Aleixu Ai-mutin, inklui asegura arma branka tudik.
Tuir Segundu Komandante PNTL Munisipiu Dili, Superientidente João Sancho Pires haktuir imformasaun autoridade seguransa simu hosi familia balun kontaktu ba iha,Eskuadra Polísia Kristu Rei, membru sira konsege ba to’o iha lokal krime, hare suspeitu kaer hela sasan kroat iha liman hodi hamriik iha odamatan, maibe vítima BS ho kondisaun isin rua laiha ona i’is ka mate hela iha uma laran.
João Sancho Pires, haktuir situasaun ne’e akontese Polísia investigasaun Kristu Rei, kontkatu emediata polisia Forensik, hodi too iha fatin akontesimentu asegura vítima no evakua ba Mortuariu Hospital Nasional Guido Valadares.
“Suspeitu polisia kaptura fragrante de lito, ita lori tiha nia ba iha sentru Saude Bekora, tanba suspeitu mos tenta oho a’an iha parte hirus matan maibe la ho kondisaun grave, hafoin tratamentu hotu mediku fo resposta katak suspeitu kanek kaman no bele fila, nunee polisia investigasaun, Kristu Rei nian, evakua suspeitu ba iha sala detensaun hodi kumpre oras 72, hafoin submete ba Ministériu Publiku,”dehan nia ba Jornalista sira iha Caicoli, Dili, segunda (21/10).
Nia dehan Kazu ne’e tama iha kategoria, omesidiu agravadu, tanba suspeitu sona mate ninia Fen ho kondisaun isin rua.
“Ita seidauk bele koalia, klaru vítima mate ho kondisaun isin rua, maibe ita seidauk hatene bebe iha inan nia kabun laran fulan hira. Nunee ita hein prosesu autopsia foin mak determinante ba , labarik iha vítima nia isin ne’e fulan hira,” katak nia.
Nia haktuir informasaun Ne’ebe polisia rekoila ka hetan, katak motivu hosi kazu omesidiu ne’e kauza hosi deskonfia malu, Kazu deskonfia malu ne’e ninia prosesu lao hela.Iha momentu ba asegura suspeitu, asegura armas ne’ebe suspeitu lori oho ninia fen, agora iha ona parte investigasaun ninia liman.
“Ita kontaktu Ministériu Publiku, sebele aselera uitoan prosesu ne’e ba Primeiru introgatoriu, kuandu ita komfirmadu ona aprezenta emediata ba MP,” nia konklui.
Enkuantu ne’e akontese iha loron 20 fulan Outubru ne’e Tinan 2024, iha horas Tuku 01:45 iha área Becora,Postu Administrativu Kristu Rei Munisípiu Dili.
Jornalista:Ercia Freitas
