DILI Post-Prezidente Repúblika (PR), José Ramos-Horta fó lembransa ou hetan prezente ba Liu-Rai Brunei Darussalam Sua Majestade Sultan Haji Hassanal Bolkiah Mu’izzaddin Waddaulah ho karreta estimadu ho naran ‘Moke-22778’ oras ne’e, to’o ona iha Palásiu Real iha Brunei. Informa PR ba Jornalista iha Palásiu Prezidensiál Bairru-Pite, Tersa-feira (11/06).
Tu’ir, PR-Horta Liu-Rai Brunei ne’e, nia sente kontente no emosionadu, nia iha garajen karreta 2.000, mesak luxu.
Horiseik to’o tiha ona iha Brunei, aviaun transporte horiseik dader no horikalan to’o tiha ona, karreta ne’e, diretamente ba Palásiu Real iha Brunei, ida ne’e,”ha’u oferta lembransa ba Liu-Rai, karreta ne’ebe ha’u fo ne’e, tu’an no antigu, maibé hanesan espesial. Entaun, nia fo favor loos ba karreta ne’e, tanba mai husi ha’u, nu’udar sinal amizade,”tenik PR-Horta.
Tuan
Tu’ir PR-Horta, ida ne’e, priemira-vez iha Mundu, Prezidente ida oferta karreta oan ida tu’an. Maibe, uniku entaun Liu-Rai bo’ot Brunei kontente loos ho emosionadu. Aviaun espesial mai tula karreta ne’e, lori ba Brunei. Karreta ne’e, se’i ta’u iha Museum Brunei.
Enkuantu, iha Segunda-feira (10/06/2024), karreta estimadu husi PR-Horta transporta ho aviaun kargu My Indo Airlines aluga ou Charter direta husi Sua Majestade Sultan Haji Hassanal Bolkiah Mu’izzaddin Waddaulah hodi lori liu bá Palásiu Brunei Darussalam.(lx)
