DiliPost.com-Jeneral Reformadu Lere Anan Timur sente triste tanba lakon lider diak ida iha familia boot Partidu Fretilin no Povu Timor-Leste ne’ebé uluk halo kompremisiu hodi mate hamutuk maibe nia distinu mak to ona ne’ebé nia mak uluk ona
“Uluk ami kompremesiu hamutuk, mate hamutuk, terus hamutuk hanoin nia husik mundu ida ne’e sedu liu tanba despois de funu nia mai harii nia familia no husik faluk oan kiak ne’ebé lolos seidauk hela mesak” dehan Jeneral Reformadu ne’e iha residensia Fracisco Guiterres “Lu-olo” Segunda-feira (22/06/2026)
Ne’e duni, nia hato’o sentimentu triste tanba lakon ema diak ida iha familia nia laran no resistensia ida ne’ebé halo kompremisiu atu mate hamutuk. Maibe,
destinu naruk to ukun an ne’ebé ohin loron nia mak uluk.
“Ema resistensia ida ne’ebé ami uluk kompremisiu atu mate hamutuk maibé ami nia destinu naruk mai too ohin loron, nia lao uluk ona ami sei hela, ami reza nafatin nia klamar iha mundu seluk mos tau matan nafatin ba nia alin sira ne’ebé ohin loron sei moris, tau matan ba ferik no oan kiak atu bele hetan moris diak haksolok no hakmatek iha mundu ida ne’e” nia dehan.
Enkuantu Saudozu mos iha ai laran fo hela mensajen ka komprimisiu ida katak mate ka moris ukun rasik an, terus bele terus mate bele mate, maibe tenke ukun rasik an.
“Ita tenke ukun rasik aan ida nee mak saudozu no ami hotu nia prinsipiu mak ida ne’e” haktuir Lere.
Aliende ne’e nia nos relata funu hotu ona sira nia planu nu’udar Forsa Armadas Guerileirus Falintil nia papel no misaun iha ai laran Sem Duvida dupla funsaun Politika ho Militar misaun Liberta da Patria
“Ami hamutuk Liberta patria agora halo oinsa livre ita nia povu iha era ukun aan ne’e. Lolos nia moris ami hamutuk nafatin hanesan ho maluk sira seluk hanesan mos alin intelektual sira hanoin tau hamutuk dezenvolve rai ida ne’e atu liberta ita nia povu husi kiak no mukit” tenik jeneral reformadu ne’e.
Enkuantu nudar ema mos la ses husi mate maibe husik ona faluk oan hodi faluk sedu liu iha familia ida ne’e.
“La hatene aban bairu estadu tau matan ka la tau matan porke hau haree mos faluk barak ohin loron sira halerik ho matanben maibé dala ruma sira moris iha difisil” sublina Lere Anan
Saudozu Lu-olo hasoru malu ho Jeneral Reformadu Lere hasoru ikus iha loron Restaurasaun Independensia ba dala 24 dia 20 Maiu iha Tasi tolu tinan ne’e.
“Hau hasoru malu ultimo mak iha seremonia 20 de maiu no antes de 20 de Maiu ami nain haat ou nain lima hasoru malu haree proposta Farul nian neebe too mai ami haree kona-ba reforma sira nee. Saudozu nia mensajem ba ita hotu no ami nuudar Fretelin mak ita hamutuk bele lao ba oin” hakotu Lere.(Octa)
