DILI Post-Rezidente Uma Kain 122 ne’ebe Antes Ne’e Governu Liu Husi Secretario Estadu Asunto Toponomia Orbanizasaun Urbana (SEATOU),Notifika Ona no Husu Atu Hamamuk Hela Fatin, Kontinua Rezeita Ho Desizaun Husi Governo nian,Tanba To’o Agora Governu seidauk Selu Indimizasaun ba Komunidade afetadu sira nia Hela Fatin .
Tanba ne’e Liu Husi Konferénsia Imprensa, ne’ebe Hala’o Domingo ne’e, Hafoin Ekipa Guarda Munisipiu Dili,Fo Avizu Ultimatu ba Komunidade Tasi Tolu ,Atu hamamuk hela iha Durante Loron Rua Nia Laran hahu husi Loron Sabado To’o Domingo,tenki Hamamuk Hela Fatin Obrigatoriumente.
Ho Avizu Nebe’e Autoridade Munisípiu Díli ,Liu husi Guarda Munisípiu Dili Fo sai mak Komunidade sira Kontinua Hato’o Ejijensia ba Governu atu Fo uluk Kompensasaun ba Uma Kain ne’ebe SEATOU idenfikadu ona atu Sobu iha Semana ne’e nia Laran.
Portavoz Komunidade Afetado Tasi Tolu Zenito Dos Santos Basilio Deklara komunidade afeitadu mos iha prinsipiu katak sei kolabora ho Governu hodi implementa programa Governu nian ba preparasaun vijita sua santidade papa mai Timor Leste ho paz no stabilidade.
Tan ne’e husu atu fo Uluk kompensasaun ba obra sira nebe’e hetan ona verifikasaun husi MOP antes halo eviksaun. .
“Husu atu halo transferencia saldo ba uma kain 11 Bazeia ba sorumutuk ho sua exelencia Sekretario estado Terras e Propriedade, ADN no MOP iha gabinete terras propriedade nebe’e hateten katak, sei halo uluk transferensia saldo ba konta bankaria no fo espaso ba sobu rasik obra nebe’ e komunidade afetado hari hafoin mak SEATOU sei halo eviksaun.”Portavoz Ne’e Deklara liu husi Konferénsia Imprensa Domingo Horseik.
Tuir nia Katak ,kuandu Governo Mak La fo Indimizasaun ba Komunidade Afetado sira mak no Sobu Obrigatoriu deit,Portavoz ne’e sei Organiza Komunidade Afetado sira hodi Dada Lona no Hela iha Fatin Preparasaun simu Vizíta Papa Francisco nian iha Kampu Nian.
“Se bainhira ne’e la akontese no halo eviksaun obrigatoriu maka ami sei dada lona iha kampu laran hodi hela to’o hetan solusaun.” Nia Afirma.
Relasiona ho dadus nebe’e foti ona husi Ministerio Obras Públikas (MOP) Antes ne’e, Maibe Tuir Komunidade Afetado sira katak ,To’o Ohin Loron seidauk iha Resposta Ruma kona ba Indimizasaun ba Familia Afetadu sira.
“Tanba antes ne’e ami nia ekipa halo konfimasaun ho PAM iha dia 09 fulan kotuk i resultadu husi sorumutu ne’e PAM rasik promete sei buka solusaun no sei tun direita hodi informa bainhira maka despeju administrasaun ne’e sei akontese tamba ita trata ema hanesan humanu, maibe na realidade progressu husi komprimisiu ne’e seidauk akontese.”Nia Komenta.
Nia Esplika, ADN halo identifikasaun urgente ba uma kain 11, ho razaun fatin Bandeira Rin antigu atu Ulitilaza ba hasae Bandeira RDTL no bandeira Vaticano nian,tanba ne’e Komunidade sira ne’ebe hela besik iha Areador refere tenki hamamuk fatin iha semana ne’e nia laran,nune’e bele fo Tempo ba Kompanña hodi halao Servisu ba Preparasaun simu Vizíta Papa Francisco nian Mai Timor-Leste iha fulan oin.
Zenito Konta Tuir ,Depois iha dia 7 fulan agosto 2024 oras tuku 8 minutu 30 liu ekipa ministeriu Obras Publico no ADN mai halo konfirmasaun katak sei halo uluk eviksaun ba uma kain 11 ne’ebe hela besik fatin refere maka sei hetan uluk kompensasaun hodi bele hamamuk fatin, Maibe pelu kontrariu iha loron sabadu dia 10 fulan agustu 2024 ekipa jestaun merkadu fo avizu derepente urjentemente atu hamamuk fatin husi area segitiga ho total uma kain 122.
Fo hanoin Katak iha Loron 3 fulan Maio Liu ba Governu Secretario Estadu Asunto Toponomia Orbanizasaun Urbana ,Liderado husi Germano Santa Brites Dias hamutuk ho Autoridade Munisípiu Díli no Konsellu Suku Realiza ona Dialogu ho komunidade Tasi Tolu ne’ebe Pertense ba Suku Komoro Postu Administrativu Dom Aleixo, atu identifika Komunidade afetado sira neebe hela iha Area Protejidu Lagoa Tasi Tolu Atu Hamamuk fatin maibe Tenki selu uluk Indimizasaun ba Komunidade ne’ebe identifikadu ona molok hasai.
Maibe To’o ohin Komunidade sira Seidauk hetan Kompensasaun ba sira nia hela fatin ,nune’e Governo liu husi Secretario Estadu Asunto Toponomia Orbanizasaun Urbana no Autoridade Munisípiu Díli hasai ona avizu ba Komunidade sira atu Hamamuk fatin ho obrigatoriu.
Jornalista:Javelino Da Silva
