DiliPost.com-Tu’ir, reprezentante povu iha Uma Fukun Parlamentu Nasional (PN), Deputada Bankada Partidu Frente Revolusiunariu Timor-Leste Independensia (FRETILIN), Nurima Ribeiro Alkatiri husu, atu Ministeriu Publiku (MP), investiga kazu Bebe ne’ebe mate hafoin Partus iha Sentru Saude Becora, (SSB).
Tanba, Bebe kadu’ak ida moris ho kondisaun di’ak no ida fali mate ho kondisaun isin lolon kanek mata musan-2 sa’i ho aten sa’i hotu, tanba liman kukun fatin husi Parteira ou Mediku hirak ne’ebe halo atendimentu.
Bainhira ema ruma mate iha servisu atendimentu Saude tenke investiga atu bele hatene ninia kauza. Hodi hatene iha ingelezesia Mediku ruma ou iha kauza Natural ruma ka.
Hanesan moras de’it mak mate ou la’e ou atendimentu husi parte Saude nian. La di’ak hodi ema ne’e, mate. Entaun, Ministeriu Saude (MS), ho SS atu hala’o. Investigasaun hodi bele hatene kauza ne’e, loloos atu nune’e, familia husi Mate-Bian (MB), sira mos sente kma’an netik, ho lakon sira nia ema. Hateten Nurima ba Jornista iha PN, Kinta-feira horseik.
Ki’ik
Nurima informa, kazu Bebe mate hafoin partus ne’ebe Deputada Olinda Guterres foti iha Plenaria, tenke investiga tanba hare’e ba ema nia vida, la’os de’it hare’e ba ema bo’ot de’it. Maibe, hare’e mos ba ema ki’ik hirak ne’ebe hetan atendimentu la du’un di’ak iha parte Saude tenke investiga.
Kazu ne’ebe akontese Bebe mate kauza husi Parteira sira ninia atendimentu, nia seidauk bele dehan kazu, ne’e Krimi tanba seidauk iha faktus ruma ne’ebe hatudu, tanba seidauk iha investigasaun ba kazu ne’e.
Faktus
Ba kazu ne’e,”ha’u seidauk bele dehan ne’e, Krimi tanba seidauk iha faktus so investigasaun mak hatudu kazu ne’e, niglezensia ou la’e. Maibe, uainhira iha nia niglezensia ita nian. Lejislasaun iha dalan atu prosesa tu’ir dalan Justisa. Karik nia kazu ida ne’e, bele mos la’os kazu inklizensia, maibe ita rona tutan de’it ba kazu hanesan ne’e, tenke investiga dunik,”tenik Nurima.
Karik kazu ne’e, iha evidensia ruma hatudu katak, falla dunik husi atendimentu Mediku sira nian ou Parteira sira nian. Parte Ministeriu Publiku (MP), atu halo investigasaun hodi bele halibur evidensia atu bele prosesu tu’ir Lei.
Formasaun
Loloos ne’e, atendimentu ba inan isin rua sira ne’ebe atu partus ne’e, ema Profisional hirak ne’ebe hetan Formasaun Espesializadu. Hetan Eskola konaba ida ne’e, iha Parteira sira iha Mediku Enfermeiru sira.
Tenke atensaun no parte Mediku tenke hatene saida mak, sira prepara uainhira ema atu partus sira presiza hare’e. Iha parte seluk tenke fo atensaun la bele fo trauma tan no halo violensia, tantu ba ema ne’ebe atu partus ba labarik. Tenke investiga ba kazu ne’e, atu bele hatene ninia kauza loloos, ba Bebe ne’ebe mate ne’e.
Ba kazu ne’ebe refere Deputada Olinda Guterres foti iha Plenaria, tanba Familia husi MB Bebe la sastifas ho atendimentu Parteira sira iha SS-Becora, fo partus la ho kuidadu hanesan halo mal-pratika hodi rezulta Bebe kadu’ak ida moris no ida fila ‘Mate.’
Asaun
“Ha’u simu informasaun husi familia MB Bebe oan nian, sira hatudu foto Bebe oan Mate ho kondisaun la normal. Tanba, Bebe oan nia matan musan-2 naklosu sa’i hotu.
Tanba, liman fatin Parteira sira nian ho liman kukun naruk no aten oan mos sa’i hotu. Sira dehan se’i halo keixa mai to’o iha PN. Tanba, asaun ne’ebe Parteira sira hala’o ne’e, hanesan asaun mal-pratika.
Deputada Olinda hateten, antes ne’e, inan isin rua nia kabun moras nia inan ho nia banin lori nia ba SS-Becora tanba besik. To’o iha ne’eba tama ba sala partus la kle’ur inan isin rua ne’e, hakilar lian maka’as.
Nia banin ho nia inan hamri’ik atu tama ba hare’e Parteira sira duni sa’i, tanba Parteira de’it mak diretu halo atendimentu. Nune’e, inan nain rua mos husik de’it. Maibe, la kle’ur rona Bebe ida hakilar no Bebe ida segundu la hakilar ho nune’e, inan nain rua tama ba hare’e Bebe mate ho kondisaun nakonu ho kanek.
Evidensia
Tanba, liman kukun fatin, Bebe nia ten oan sa’i hotu no matan musan rua naklosu sa’i hotu. Ho ida ne’e, inan nain rua bolu familia hodi husu tu’ir Parteira sira, maibe la iha resposta no familia sira foto kedas hanesan evidensia.
Hare’e ba asaun ne’ebe Parteira sira iha SS-Becora halo ne’e, la di’ak hodi hafo’er Governu nia naran. Tanba, pessoal ida mak halo salah fo todan hotu ba Governu. Tan ne’e,”ha’u sujere atu bele halo investigasaun ba dr. sira no Parteira sira iha ne’eba.
Tanba, familia husi Bebe la simu ho atendimentu dr. ho Parteira hirak ne’ebe fo partus la loos estraga Bebe nia isin ten oan sa’i no matan musan naklosu sa’i hotu kondisaun Bebe nia isin nakonu ho kanek. Tanba, liman kukun fatin husi Parteira sira nian,”dehan Deputadu Olinda (al)
