BAUCAU (DiliPost.Com)–Flabiana Sebastiana Ribeiro Nudar Kandidata Feto Mesak ne’ebe Atu Kompete Ho Kandidatu Mane Nain Lima Seluk ba Eleisaun Lideransa Lokal, Suku Bahu Postu Administrativu Baucau Villa, ba Periodu 2023-2030.
Kandidata Feto Ne’e ,Haktuir Maske Nia Feto Mesak ne’ebe Fiar A’an hodi Kompete Mane sira ,tanba Kandidata ne’e Mai ho objetivu ida Atu solusiona no foti desizaun ba Difikulade ne’ebé Povu infrenta Durante Ne’e iha Baze.
Kandidatu ne’e Mai ho Hanoin Konstrutivu Ida Katak, Wainhira Eleito ba Xefi Suku Mai sei Aplika Programa no vizaun Misaun Rasik ne’ebé foka liu ba Prioridade ema hotu nian tanba hakarak Sidadaun hotu asesu ba Aktividade suku nian.
Tuir Flabiana Ribeiro katak,Timor Leste Hanesan Estadu Demokratiku,nune’e feto Mo’s iha Direitu hodi Kompete iha Kualker Opsaun.
Nia dehan Wainhira hetan Konfiansa husi Povu , sei lahamosu Deskriminasaun ba Povu maibé sei servi Povu tuir Interese Komun.
“Hanesan feto tempu ida ne’e Oportunidade ba ami feto sira atu iha Direitu ka kna’ar ida Ne’ebe atu bele involve an iha Kompetisaun Eleisaun nian,ita hare’e Katak Eleisaun ida ne’e Demokratiku Tebes fó Oportunidade ba Feto atu bele feto brani foti desizaun iha grupu ne’ebé ke ami enfrenta ida ne’e mak Hanesan fó korajem ba hau atu fó hau nia an Servi ba hau nia Povu se karik sira fó Konfiansa ba hau” Dehan Flabiana Ribeiro ba DiliPost.com iha Suku Bahu Sabadu ne’e (14/10)
Flabiana Robeiro Hatate , Wainhira Povu fó fiar ba Nia Nudar Xefi Suku ,Nia sei Servisu Hamutuk ho Komunidade sira hodi fasilita sidadaun hotu atu hola parte iha aktividade Dezenvolvimentu Suku no fó Oportunidade Rekursu hotu iha suku laran atu Povu asesu livremente.
Flabiana Dehan, Wainhira hetan lejitimidade husi Povu,sei Representa Povu atu halo proposta Kona ba preokupasaun ne’ebé Komunidade iha suku bahu enfrenta liu husi Dalan dialogu ho Komunidade atu aprezenta ba parte relevante.
“Klaru ke populasaun fó ona konfiansa ba hau atu Kandidata hau nia a’an,Hu nia Programa Vizaun Misaun,liu-liu hau tenke Promove Povu, atu bele involve an iha aktividade suku,” Hatutan Nia.
Vizaun Flabiana
Promove komunidade atu partisipa iha Dezenvolvimentu Komunitario.
Fó oportunidade ba Komunidade atu asesu Formasaun non formal.
Misaun
Representa komunidade liu husi atendimentu ne’ebé di’ak atu bele fó benefisiu ba bem comum.
Kria Relasaun di’ak entre autoridade lokál nasionál no uma kreda atu bele estabelese metas ne’ebé governu implementa.
Programa.
Kria Planu Dezenvolvimentu Komunitario tuir proposta suku nian.
Identifika nesesidade ne’ebé mak suku infrenta.
kapasitasaun ba komunkdade no Joventude Sira iha Area Desportu.
Enkuantu kandidatu xefe suku Bahu ba Periodu ne’e Kompostu Kandidatu nain Neen Hanesan, Eleuterio A. Boavida,Flabiana S. Ribeiro,Faustino D. Soares,Jose Antonio Gusmão,Manuel F.R. Gusmão no Manuel A. Da Costa.
Reportazem:Calistro
