DiliPost.Com– Governu Liu husi Ministeriu Administrasaun Estatal (MAE), Sekretario Tekniku Administrasaun Eleitoral (STAE), iha Segunda ne’e Distribui Ona Ekipamentus ka Material Eleisaun Suku ba Munisipiu 13 no Rejiaun Administrativu Espesial Oekusi Ambeno (RAEOA).
Vice Ministru Administrasaun Estatal Jacinto Rigoberto Apela ba Tekniku Administrasaun Apoiu Eleisaun Suku ,iha Teritorio Nasional Atu ho Servisu ho Imparsial Nune’e ,iha Eleisaun Suku ne’ebe sei Akontese Iha Loron 28 fulan Outubro ne’e bele Hatudu Kualidade.
“Ba Entidades hotu hotu ne’ebe hola Parte Iha Eleisaun Suku Ida ne’e,atu asegura Eleisaun Ida ne’e bele Lao ho diak tuir lei no Regras no Asegura imparsial Nune’e bele hatudu Rejultadu ne’ebe ho Kualidade.”Vice Ministru MAE Imforma Ida ne’e iha Serimonia Distribuisaun Material Eleisaun Suku nian ne’ebe hala’o iha MAE Kaikoli Segunda ne’e (23/10).
Governante ne’e apelo ba Diretor STAE sira atu Kolabora Hamutuk ho Autoridade Munisipiu no Tékniku apoiu Eleitoral sira ba Prosesu Eleisaun Lideransa Lokal , Nune’e Prosesu ba Eleisaun Suku ne’e bele Lao diak.
“Eleisaun ne’e buat Normal tanba Ita Timor Laos Foinn mak Atu Hala’o, kuaze Ita Hala’o Dala Hira ona, Entaun ita Hakarak Eleisaun ne’e lao ho diak mak ita tenki Servisu Hamutuk.” Tenik Jacinto.
Vice Ministru Administrasaun Estatal ne’e Esplika Eleisaun Suku , Importante tebes tanba Nudar Organizasaun ne’ebe hala’o Servisu iha Nivel Baze hamutuk ho Komunidade Sira.
Nia Dehan Lideransa Lokal Nia Papel Importante mak Atu Servisu Hamutuk ho Komunidade sira hodi Tau Matan Moris Populasaun nian , no hato’o Preokupasaun no Dezafius ne’ebe Komunidade sira Enfrenta iha Baze ba Nasional.
“Nudar Nasaun Demokratiku hau hanoin ho Eleisaun Suku Ida ne’e bele Hamosu Lideransa ne’ebe ho Kualidade hodi hare ba Dezenvolvimentu ba Komunidade.” Afirma Governante Ne’e.
Total Voletim Do Votus ne’ebe Sekretariado Tekniku Administrasaun Eleitoral Distribui ba Suku 442 iha Teritorio Timor Leste Hamutuk Folhas 942.696 no Total Livro Hamutuk 18.853.92, ne’ebe Antes ne’e Governu Liu husi Ministeriu Administrasaun Estatal, Sekretario Tekniku Administrasaun Eleitoral fo Konfiansa ba Grafika Nasional hodi halo Prosesu Imprimi ba Voletim hirak ne’e.
Reportazem: Javelino
