BAUCAU (DiliPost.com)-Bispo Dicesse Baucau Dom Leandro Maria Alves iha Sabadu semana kotuk ,Ofisial inagura Ona Igreja padroeira Nossa Senhora do Rosario de Fatima Aubaca iha suku Triloka Postu Administrativu Baucau villa.
Iha omilia Lider Masimu Igreja Dioseza Baukau ne’e husu ba Sarani estasaun misionariu Aubaca atu emita tuir padroeira Nossa Senhora Do Rosariu De Fatima nia manorin kona ba haraik an nian ne’ebé mak hakerek nanis ona iha Evajellu São Lucas.
Dom Leandro hateten,inan Nossa Senhora De Fatima nia simplesidade no haraik nunka rezeita ba lian murak ne’ebé anjo hateten nune’e Maria aseita no responde pozitivamente signifika katak nia prontu kolabora obra maromak nian nune’e maria hatan ba maromak ho liafuan ida deit katak “Atan Oan Mak Ne’e” maske ho nia simplesidade maibé nafatin oferese no haraik an ba lia maromak nian.
Dom Leandro esplika Maria Prontu total atu husik nia an no disponibliza ninia an totalmente ba maromak, nia halo tuir maromak ninia projeitu tan nia rekuiñese katak maromak mak kriador nune’e nia prontu nafatin atu serví Nai Maromak,Maria la tau ninia interese pesoal mak uluk, maibé halo tuir uluk maromak nia interese maromak nia vontade no hakarak.
“Hau atu hateten deit katak hanesan saida mak ita hotu rona iha evangellu hatete, Anjo São Gabriel Dehan ba Maria o sei kous no tuur ahi oan mane ida,Maria hatan atan oan mak ne’e halo tuir Ita liafuan ba,Maria Nia hatan ne’e hatudu ninia entrega an total, Nia husik ninia an total iha maromak ninia Liman, Ida nee hatudu Maria Nia konfiansa total iha manu maromak nian ou maromak Nia Anjo ne’e,Maria hanorin ita hotu kona-ba maromak ninia prezensa, maromak mai vizita hela Ita hotu maromak sempre mai iha ita nia moris ka mai vizita ita no liu husi akontesimentu oin,maromak Liu husi Ita Nia maluk Sira neebe persiza Ita Nia Tulun iha Ita Nia Moris Lor-Loron nian Ita Nia vizinu Sira iha Ita Nia sosiadade neebe Mak Ita Hela ba tanba dala barak maromak mosu Mai Ita Liu husi Ita Nia maluk sira, maromak MOS Mai vizita Ita Liu husi Ita Nia sakramentu Sira, iha sakramentu Sira Ita hasoru malu ho nai maromak, iha sakramentu Sira Ita hare hetan maromak Nia Hahalok” Hateten Bispo Diocesse Baicau Dom Leandro Maria Alves (21/10/2023) iha Aubaca.
Lider másimu Diocesse Baucau ne’e informa,sakramentu sira husi igreja Katolika importante tamba liu husi sakramentu sarani sira hasoru malu direita maromak nia hahalok domin,iha sakramentu Sira sarani Sira hasoru malu maromak Nia Hahalok ida Domin, maromak Nia hahalok Ida neebe laran luak nian,neduni wainhira sarani ne’ebé selebra ona sakramentu sira,presiza rekuiñese prezensa maromak nian tanba ne’e grasa domin nain,fiar ba maromak.
“wainhira ‘ita selebra sakramentu Sira Ita rekoinese kona ba prezensa maromak ninian no maromak mos mai iha Ita Liu husi buat selu-seluk Tan,hanesan sarani Ita persiza fiar prezensa maromak nian nee, fiar signifika Ita hatan SIM ba maromak,Se Ita hotu-hotu hatan SIM,ita hotu hakarak kria mundu foun Ida, mundu ida ne’ebé maromak mak sai nia nain, maromak Mak Atu ukun, i maromak Mak ukun nee ho domin ho pas, justisa, Ita halo tiha Domin, pas la buka problema, la halo violensia ou koalia liafuan a’at Sira, Ida nee Mak hahalok maromak ninian, Ida nee Mak hahalok hatudu katak Ita nee Ema maromak ninian, iha Ita Nia sosiadade Vida Lor-Loron nian Ita tenke hare ba Ita Nia an, hare ba Ita Nia Hahalok, hafoin Ita MOS kestiona Ita nee sarani KA Lae, see Ita sarani Duni, Ita Nia Hahalok tuir Duni fiar nain Duni KA Lae, Bolu Dehan kristaun” Tenik Dom Leandro Maria.
Entertantu representante sarani aubaca atuál xefe suku Triloka Alexandre da Costa hateten,hanesan autoridade suku sente orguillu ba inagurasaun igreja padroeira Nossa senhora de Fatima Aubaca tanba ba durante prosesu konstrusaun igreja sarani komunidade hotu servisu kopera malu ho objetivu ida katak sira tenke iha igreja ida.
Nune’e mos hanesan autoridade lokál kontinua husu komunidade hotu atu kuidadu no assegura igreja foun padroeira Nossa Senhira De Fatima Aubaca tanba igreja refere fasilita ona sarani sira hotu hodi rona nain nia evanjellu.
“Hau Konsidera ho inagurasaun ne’e ita bele dehan agora mak sarani,dala Ida tanba ne’e bele fasilita ona sarani sira tanba igreija ne’e la’os sarani sira ne’ebé iha suku Triloka deit maibe sarani Sira husi aldeia vizinu Darasula suku Gariuai ho mos aldeia Lekiloiwatu ho Makadai suku Bucoli” Informa Alexandre Da Costa.
Iha Serimonia inagurasaun igreja Bispo Diocesse Baucau fó mos Sakramentu Krisma ba krismante hamutuk nain atus rua neen nolu (260),Enkuantu wainhira seremonia inagurasaun hahu ho tesi Fita, bensaun no asina plaka direita husi bispu Diocese Baucau taka ho fahe sertifikadu agradesimentu ba doadores laran luak sira ne’ebé fó kontribuisaun maka’as hodi finaliza konstrusaun.
Enkuantu hola parte iha missa padroeira Nossa Senhora do Rosario de Fatima Aubaca kompostu Bispu Diocesse Bauca,Padre, Madre, autoridade sivil no militar inklui sarani estasaun misionario (Calistro).
