DiliPost.com- Ohin Loron 28 fulan Setembru ne’e, Timor Leste Simu Vizita Espesial Boxista Legendary Manny Pacquiao Husi Nasaun Filipina ne’ebe Famozu tebes iha Mundu iha Area Desportu Liu Liu iha Modalidade Boxing.
Boxista Legendary Manny Pacquião Ne’e To’o Iha Aeroportu interNasional Nikolau Lobatu,ho Aviaun Citilink iha Tuku 12.20 Oras Timor Leste,ne’ebe Simu Direita husi Primeiru Ministru Kayrala Xanana Gusmão Nia oan Mane Kay Olo nomos Klubu Boxing Timor Leste.
Hafoin ne’e Boxista Legendary Manny Pacquião sei liu ba Fatin Deskansa ne’ebe Ekipa Komisaun Organizadora prepara ona.
Iha Fali Loron 29 Setembru , Boxista Legendary Manny Pacquião sei ba Hasoru Malu ho Presidente Republika Jose Ramos Horta iha Palasio Presidensial Aitarak Laran.
Hafoin Remata hasoru malu iha Palasio Presidensial Aitarak, Boxista Legendary Manny Pacquião Kontinua Kedas Liu ba Palasio Governu Hodi Hasoru Malu ho Primeiru Ministru Kayrala Xanana Gusmão, no Sei Hasoru mos Ministru Joventude Desportu Arte No Kultura ,Nelio Isac Sarmento iha Sional Lecidere, no Parte Loraik sei Kontinua Hala’o Vizita Ba Fatin Klubu Boxing Timor Leste sira.
Enkuantu Vizita Boxista Legendary Manny Pacquião iha Timor Leste ne’e dura Loron tolu husi 28-30, Hafoin De Remata Vizita Iha Timor Leste Boxista Legendary ne’e SEI husik hela Timor Leste no fila fali ba Nia Nasaun.
Objectivo Vizita Boxista Famozu legendary Manny Pacquiao Mai Timor Leste ne’e ,hodi bele Motiva Liu tan Atleta Boxing Timor Oan sira, hodi bele Aprende buat foun ruma hodi prepara Diak Liu tan ba Futuru hodi bele Kompete iha Mundu Desportiva.
Iha Vizita Boxista Legendary Manny Pacquião Mai Timor Leste ne’e Governu Liu husi Ministeriu Joventude Desportu Arte No Kultura ,Gasta Osan Hamutuk $26 Mil ba Aktividade Prezensa Manny Pacquião.(JAVEL)
