DiliPost.Com-Estudante husi Univesiadade Nasional Timor Loro-Sa’e (UNTL), husu ba maluk Estudante sira iha nivel saida de’it hodi kontribui ba Nasaun iha area lixu. Estudante tenke kontribui no sai ezemplar ba komunidade hotu hodi bele hamo’os fatin-fatin iha Nasional to’o baze. Aleinde ne’e, la bele espalla ou so’e lixu arbiru iha fatin publiku tenke ta’u iha lixu fatin.
Ho ida ne’e, Estudante UNTL husi Fakuldade Ekonomia Jestaun Departamentu Turizmu, Joao Sarmento do Carmo katak ba Dili Post, iha Largo Lecidere, Tersa-feira (26/09).
Oinsa iha fatin publiku ba maluk barak mak so’e plastiku, aqua mamuk no fo’er seluk la tu’ir nia fatin, ba maluk Estudante sira bele kria fatin no bele marka tempu hodi kontribui ba Estadu bele hamo’os lixu iha fatin publiku.
Liu-liu iha fatin hanesan Jardin hirak ne’ebe Estudante no foin sae barak sempre konsetra ba hodi halo ‘Tugas’ buka anin fresku refreshing, husu ba foin sa’e hirak ne’e, tenke Kontribui hodi bele hamo’os fatin hirak ne’e, bele kria fatin moos no seguru husi fo’er.
Estudante la bele sai autor ba lixu hodi soe fo’er arbiru iha fatin publiku hirak ne’e. Tanba, dala barak fatin hirak ne’e, foin sa’e sempre uza ba atividade, bainhira Ambiente mo’os no frezku depende ba idak-idak ne’ebe passa tempu iha fatin refere.
“Sujere ba maluk Estudante sira, se bele kria buat ruma hodi produz lixu hanesan plastiku bele produz tu’ir,”ita nia hanoin, bele produz ba Boneka, ‘Bingkai Foto’ buat barak tu’ir ita nia hanoin hodi bele minimiza fo’er so’e arbiru iha fatin publiku,”dalen Joao.
Nu’udar Estudante la bele depende de’it ba Estadu, keta dehan Estadu liu husi Instituisaun balun iha ona Funsionariu hodi hamo’os fatin sira ne’e, maibe,”ita Estudante mos bele kontribu no sai ezemplar ba komunidade hodi bele hamo’os lixu iha Kapital no Munisipiu,”Joao rekomenda.
Foin sae bele promove fatin hanesan Jardin Motael, 05 Maiu, Largo Lecidere, Cristo Rei no fatin sira seluk hodi bele atrai ema barak ba iha fatin hirak ne’e. Husu mos ba Governu liu-liu Ministeriu Turizmu hodi bele kria netik Regulamentu ruma atu bele asegura fatin hirak ne’e.(mj3)
