DiliPost.com-Prezidente Repúblika (PR), José Ramos-Horta hala’o, vizita ba edifisiu Tribunál tuan Dili hodi hare’e besik kondisaun edifisiu ba futuru Instalasaun Supremu Tribunál Justisa (STJ), temporaria.
“Ha’u rona atu muda ou atu ta’u STJ iha ne’e, ha’u koriozidade hakarak mai hare’e. Prezidente Tribunál Rekursu (PTR), fó nia tempu disponivilidade atu mai hatudu fatin ida ne’e, atu sa’i sede ba STJ.Maibé, fatin ida ne’e, se’i instala ba STJ hanesan temporariu, tanba dezeñu ba Tribunál foun STJ iha ona rai ,”PR-Horta hateten ba Dili Post, hafoin hala’o tiha vizita edifisiu tuan Tribunál Dili Kolmera, foin lalais ne’e.
Konvida
PR-Horta hateten, PTR, Alfonso Carmona akompaña husi estrutura TR konvida PR atu mai vizita edifisiu tuan Tribunál Distritál Dili (TDD), tanba fatin ne’e, atu transforma fatin ba instalasaun STJ temporaria.
Nia dehan, instalasaun ba STJ se’i hahú iha fulan-6 ou tinan-1 ou depende. Maibé, tu’ir planu ne’ebé iha (05/2026), instalasaun STJ bele inagura ona iha (05/2026). Se hahú STJ tu’ir karik planu konforme,”ita hotu hakarak, bele inagura iha (05/2026), ou la bele karik (11/2026), karik edifisiu ne’e, tenke prontu simu. Tan ne’e, tenke hare’e daudaun ona. Maski nune’e, Xefi Estadu hateten, atu instala STJ la’ós nia kompeténsia ne’e, Governu nia kompeténsia atu hare’e ida ne’e.
“Ha’u mai hare’e de’it ne’e, lá’os ha’u nia kompeténsia, totalmente responsabilidade Ministeriu Justisa (MJ), hare’e ba Infraestrutura seitór justisa,”nia afirma.
Aselera
PR-Horta salienta, iha vizita ne’e, nia la fó orientasaun ba TR no Governu atu aselera instalasaun STJ, maibé hanesan Xefi Estadu nia apoia totál ba iha instalsaun STJ.
Se la’e,”ha’u entrega 100% ba Governu liu-liu MJ mak hatene, Kalendaria ha’u nian hanoin STJ tenke kria dunik 2026, tarjetu fulan Maiu, maibé la bele karik pelu menus halo iha Novembru,”nia realsa.
Kalendariu
Tanba, tu’ir Kalendariu Eleitorál se la halo iha 2026 dsfisíl atu halo iha 2027 tanba liga ho Eleisaun Prezidensiál (ElPre), 2028 Eleisaun Parlamentár (ElPar). Entaun,” ha’u la fi’ar PRmai, ha’u la fi’ar i hamutuk ho Governu ne’ebé atu sa’i dadaun ona bele aselera atu kria tiha STJ,”nia afirma. Kuandu, STJ la instala iha 2026 entaun realistiku no hein tán fali ba 2030 foin instala.
Prediu
Fatin hanesan PTR, Alfonso Carmona hateten, Xefi Estadu mai hala’o vizita prediu tuan tanba hetan konvite husi PTR. “Ha’u hanoin ohin ita nia PR vizita fatin ida ne’e, ha’u mak konvida nia mai. Atu hare’e fatin ne’e, tanba fatin refere sa’i hanesan fatin ba instalasaun STJ. Tu’ir, tarjeitu no orariu ne’ebé iha fulan (05/2026), tenke instala,”nia tenik.
Eleisaun
PR hakarak dehan 2026 STJ tenke instala ona, tanba 2027 Eleisaun ona, entaun buat hotu se’i la la’o tanba instalasasaun STJ tenke halo tu’ir tarjeitu 2026. STJ presiza koordenasaun servisu entre Governu iha kestaun ida mak MJ atu hare’e instalsaun ba STJ.
Liña
Fatin ida ne’e,”ita sei hala’o reabilitasaun ho didi’ak, sala ba Juiz Konseileiru hirak ne’ebé servisu iha STJ fatin tenke dignu tanba nivél la’os hanesan Juiz babain tanba presiza instala liña Internet no fatin sala vizita inklui sala ba Juiz Konseileiru tenke di’ak,”PTR-Alfonso konklui.(octa)
