DILI Post news, 06 Dezembro 2025 – Primeiru-Ministru Kay Rala Xanana Gusmão hala’o viajen servisu ba Repúblika Indonézia, ohin oras 09 : 15 PM ho Delegasaun hahú desloka ba indonesia husi Aeroporto Internacional Presidente Nicolau Lobato, Dili, tuir agenda ofisiál.
Viajen ida-ne’e iha objetivu atu kontinua prosesu negosiasaun segundu ronde kona-ba fronteira maritima entre Timor-Leste no Indonézia, ne’ebé sei deskute iha sidade Jogjakarta.
Negosiasaun fronteira maritima konsideradu hanesan parte importante iha esforsu governu atu klarifika limitasaun soberania no hetan solusaun interése nasional.
” PM atualiza katak, viajen bá Jogjakarta ohin hodi partisipa iha segunda ronda negosiasaun ho Indonézia tanba antes ne’e ekipa hosi nasaun rua hahú ona negosaisaun primeira ronda iha Dili,” Atualiza durante enkontru ho Prezidente Repúblika (PR), José Ramos-Horta iha sesta (05/12/2025) iha Palásiu Prezidensiál Bairru-Pité,
Durante iha negosiasaun ne’e mós Xefe Governu sei introdús bá Governu Indonézia kona-bá inisiativa hodi realiza “nahe biti bo’ot” ko’alia nu’udár maun-alin iha fronteira Naktuka ho Amfoang.
Negosiasaun bá fronteira marítima entre nasaun rua sei hala’o durante loron-tolu (8-10 Dezembru 2025) iha Jogjakarta.
Delegasaun téknika no polítika Timor-Leste sei akompanha Primeiru-Ministru atu kontinua diskute ponto-ponto xave ho autoridade Indonézia, ho esperansa atu hetan progresu signifikante iha ronda Segundu ne’e.
Akompaña PM Xanana iha aeroportu internasional Nikolau Lobato, Vise-Primeiro Ministro, Ministro Asuntos ekomonia, Francisco Kalbuadi lay, Vise-Primeiro Ministro Ministro Kordenador asuntos sosiais, Mariano Assanami Sabino, Ministro Interior(MI) Francisco Guterres, Ministro Justisa(MJ) Sergio Hornai, Ministro Negosiu Estranjeiro kooperasaun(MNEK) Bendito Freitas, Ministro Transporte Kominikasaun(MTK) Miguel Marques, Ministro Komersiu industria(MCI) Nino Perreira, Ministra Saúde(MS) Elia Amaral, Vise ministra Asuntus asian, Milena Rangel, Vise Ministro infreastruta, Julio do Carmo, Sekretario Estado Kominikasaun Sosial(Sekoms) Sekretario Estado Asuntos Toponomia organizasaun urbana(Seatou).
Jornalista : Azacsi Quintão
