Dili Post news, 05 Dezembro 2025 – Primeiru Ministru Kayrala Xanana Gusmão sei kontinua halo negosiasaun segundu ronde fronteira Maritima iha Jogjakarta, Aban PM ho delegasaun sei aranka ba Jogjakarta Indonesia, sabadu, 06/12/2025.
“ Aban ba jogjakarta hodi halo segundu ronde negosiasaunn ho indonesia tanba primeiru ronda akontese iha Dili ne’e mak sira marka ajenda tanba ne’e mak aban ba atu ko’alia kona-ba Fronteira Maritima no mos ha’u dehan ba prezidente katak, ami sei fo lembra ba Xefe delegasaun atu fo hatene ba Governu indonesia katak Naktuka nia mak seida’uk,” hatete Xefe Governo ba Jornalista sira hafoin hasoru malu ho Prezidente Republika iha Palasiu Prezidente Aitarak Laran.
Nia haktuir kona-ba Naktuka tenke komprende dalaruma hanoin buat hotu la’o di’ak hela maibe tenke hein ba jogjakarta mos sei fo lembra governu indonesia konaba fronteira naktuka nian.
“ Ita mos komprende dala-ruma ita hanoin rai seluk ne’e buat hotu la”o ho di’ak, ita mos komprende tenki hein, agora iha Jogjakarta, ha’u sei fo hanoin nafatin ba sira hodi informa mos ba governu Indonesia foin lalais ha’u ba ona Naktuka. Ha’u la bele dehan saida mak importante atu ko’alia iha ne’eba, maibe importante maka ita hetan tiha solusaun konaba Fronteira nune’e ita bele kontrola ita nia tasi,” dehan Xefe Governo.
Nia hatutan, Uluk kedas ko’alia kona-ba nahe biti iha Naktuka tanba iha ne’eba ho Indonesia mesak familiares maibe ikus ikus nee problema mosu, maibe problema ne’e la’os sira maibe husi fatin seluk mak bo’ok hodi provoka situasaun.
“ Tanba ne’e Autoridade sira iha Naktuka informa mai ha’u iha 10 Dezembru sei hala’o atividade kultural nahe biti entre komunidade Naktuka ho Komunidade Indonesia ne’ebe besik iha Fronteira sei hamutuk ko’alia tuir ita nia lisan, nune’e bele fasilita governu indonesia atu konkorda ho ita katak, marka tuir akordu ne’ebe Portugal ho Olanda halo iha tempu neeba.” Hakotu PM Xanana.
Jornalita : Anita silva
