DiliPost.com-Nakait ho Ministeriu Edukasaun (ME), hapara Manorin Kontratadu Voluntariu inklui Reklamante sira. Ho ida ne’e, sira kontinua hala’o ‘Demo’ hodi hein desizaun husi ME. Aleinde ne’e, ME la iha kapasidade no moral hodi hasa’i lia fu’an diskrimina ba Manorin Kontratadu sira.
Asaun ‘Demo’ ezije no husu ba ME atu rezolve Profesores Kontratadu sira, liu-liu rekonese ba Dekretu-Lei nu.31/2023, 31 Maiu, Ko’alia konaba ingresu espesial. Hateten porta-voz Agostinho Pinto iha Tasi-Tolu-Dili, Kuarta-feira horseik.
Manorin sira kontinua hala’o manifestasaun iha Tasi-Tolu hodi hein rezultadu husi ME. Manifestaun ohin ne’e, ba da-ruak nian. Tanba, durante ne’e, Profesor sira halo ona manifestasaun hahu iha Centru Convensoins Dili , to’o Jardin B.J. Habibi Metiaut.
To’o agora seidauk iha solusaun ba sira. Ho razaun hirak ne’e, porta-voz Agostinho Pinto klarifika Manorin sira se’i kontinua ezije ba ME atu foti desizaun hodi rezolve Mestre Kontratadu no Voluntariu sira.
Kontinua
Agostinho hatutan, Manorin sira se’i kontinua nafatin halo manifestasaun to’o ME foti desizaun hodi halo rekonesimentu ba Mestre sira ne’ebe servisu durante tinan 10.
Maski, oras ne’e daudaun, ME deklara katak Edukasaun se’i la rekonese Manorin sira, nune’e Manorin konsidera deklarasaun ne’e, la di’ak no diskriminasaun ba Manorin sira.
ME dehan nia relasaun kotu no la rekonese,”ami, ne’e hahalok ida ne’ebe la di’ak, la’os Lider ida Profesor sira hatudu tiha ona sira nia servisu Profisionalizmu Voluntarizmu durante tinan 10 ba Estadu ida ne’e,”tenik nia.
Estadu ida ne’e, atu rekonese uza saida. “Ha’u hanoin ME la iha kapasidade no moral hodi hasa’i lia fu’an atu diskrimina Profesor Kontratu sira,”hateten Agostinho.
Enkuantu, Profesor Kontratadu sira nafatin halo Manifestasaun hodi hein solusaun husi ME. Atu nune’e, kuandu la iha solusaun Profesor sira se’i organiza malun hodi taka tomak ME.
Vaga
“Ha’u hateten, ona katak Vaga ne’eba ami rezeita total, Vaga ne’eba ba prosesu sira ne’ebe hakarak atu sa’i Profesor Vaga kandidatu,”nia dehan.
Tanba ne’e, Profesor sira ne’e, rezeita total Vaga Edukasaun ba Bolsa kandidatura nian ne’e, ho razaun, tanba ingresu espesial tenke aplika ba Profesor hotu, inklui mos Kontratadu hotu. Tanba ne’e, ME tenke halo entedimentu ba Lei ne’ebe refefe.
Enkuantu, Vaga tu’ir loloos fo sa’i husi Edukasaun, se’i la simu Profesor sira ne’ebe uza hela Diploma Sekundariu. Ho ida ne’e, Profesor sira konsidera hanesan diskriminasaun bo’ot ba Profesor ne’ebe servisu Voluntariu uza Diploma Sekundariu durante tinan 10 hanorin iha Eskola.
“Ami nia kazu ne’e, to’o tiha ona Provedoria Diretus Humanus no Justisa (PDHJ), hasoru ME. Tanba, nia foti desizaun la justu halo violasaun ba Diretus Umanus. Tanba, Mestre sira halo ona sira nia kna’ar hanesan Mestre tinan barak ona hodi Eduka ho forma Estudante sira.
Liu husi porta-voz hetan ona karta Notifikasaun husi PDHJ katak, ME tenke rezolve Profesor sira nia problema iha loron 30 nia lara. Kuandu, loron 30 nia laran la iha. PDHJ se’i loke investigasaun hasoru ME hodi prosesa ema hirak ne’ebe foti desizaun ba Mestre hirak ne’e.(do/julia)
