DILI Post, 27 Novembru 2025 — Eis Primeiru Ministru(PM) Mari Alkatiri, ko’alia fali lembransa pessoal kona-ba tempu antes Proklamasaun Independénsia iha 1975, hodi subliña papel importanti ne’ebé família no povu fó durante tempu difísil ne’ebá.
Iha deklarasaun iha loron 27 Novembru, Alkatiri hatete iha 27 Novembru 1975 nia inan, Fatima Alkatiri, fó apoio moral no praktiku atu aselera preparasaun kona ba suku bandeira RDTL, momentu simboliku ne’ebé halo parte husi preparasaun ba Proklamasaun 28 Novembru 1975.
” ha’u nia ma’e mak suku bandeira RDTL, maibe ema la konsidera, Bandeira prontu bele lori ba to’o Palasiu governo, loron hanesan ohin ne’e ferik servisu bo’ot,” hateten Eis PM Mari Alkateri ba Jornalista sira iha Gabinete Eis Titulár Farol.
Iha deklarasaun ida ne’e, Alkatiri lamenta katak momentu sira hanesan ne’e seidauk konsidera, momentu ida-ne’e halo parte husi esforsu nasional atu halo preparasaun ba loron boot 28 Novembru 1975.
Jornalista : Azacsi Quintão
