DÍLIPost-Empreza Tsuneishi Shipbuilding C. Ltd husi Japaun ,sei Estabelese Estaleiru Naval ka Fabrika Ró iha Timor Leste,iha Fatin ne’ebé Investor ne’e Identifika ona Iha Munisípiu Manatutu no Postu Administrativu Laleia.
Asuntu ne’e Relata ,hafoin Embaixadór Japaun ba Timor-Leste, Tetsuya Kimura hamutuk ho delegasaun Empreza Tsuneishi Shipbuilding C. Ltd husi Japaun hala’o emkontru ho Primeiru-Ministru, Kay Rala Xanana Gusmão hodi introdus planu atu harii instalasaun estaleiru naval iha Timor-Leste.
“Embaxador mai ho Kompanha husi Japaun ,ne’ebe hakarak Loke fatin ida neebe ba Frabika Roo Bo’ot no oi-Oin ,Ne’ebé sira buka hela fatin ne’ebé sira hare ona fatin rua ka tolu, Maibe sira sei hare didiak,rai tahan ka lae?” PM Xanana Imforma ida ne’e hafoin remata Emkomtru iha Palasio Governu segunda ne’e(20/11).
Empreza Tsuneishi Shipbuilding C. Ltd hala’o peskiza iha Timor-Leste no nota Timor-Leste sai nu’udar fatin potensial atu investe área estaleiru (shipbuilding) hodi harii indústria shipyard iha rai ho nia luan hamutuk 970 km2 iha Munisípiu Manatutu. Tan Ne’e PM Xanana hato’o benvindo ba ekipa ne’e, tanba sira mai hala’o ona observasaun ba área Postu Administrativu Laleia no área Sau iha Postu Administrativu Manatutu vila.
Xefi Governu ne’e Akresenta ,Kompanha ne’e tasik Identifika ona Rai iha Munisípiu Manatutu no Postu Administrativu Laleia ,ne’ebe dadaun ne’e kompanha sei halo hela Estudu ba Rai ne’e, ho didiak Molok Governu Timor Leste fo Lisensa ba Kompanha hodi loke Frabika.
Iha fatin hanesan, Embaixador Japaun iha Timor-Leste,Tetsuya Kimura agradese empreza ne’e bele introdus direita planu ne’e ba Primeiro Ministru Xanana Gusmão hodi akompaña prosesu tomak.
“Hau mai Hasoru Primeiru Ministru hodi husi Opinaun kona ba saida mak Empreza ne’e Hato’o no husu Governu nia apoiu ba Investimemtu ne’e. ” dehan Diplomata Japaun ne’e.
Tuir estimasaun bainhira investimentu ne’e harii sei oferese kampu traballu minimu 4.000 ba Timor-oan no sei prodús rò (vessel) hamutuk 10-12 kada tinan no sei harii eskola, ótel no ospitál.
Kompañia Tsuneishi Shipbuilding ne’e lokaliza iha área Hiroshima iha Japaun, iha fulan Agostu 2023 liubá hala’o ona vizita mai Timor-Leste hodi halo estudu no sira loke ona Japaun, Xina no Filipina no Timor-Leste.(Javel)
