BAUCAU(DILI Post)) Estudante Finalista Ensiñu Báziku,Ensiñu Sekundáriu no Tékniku Vokasiónál iha Munisípiu Baucau, hamutuk rihun lima atus ualu lima nolu resin Ida (5.851),partisipa Ezame Nasional (EN) tinan akademia 2023.
Diretór Serbisu Munisipál Edukasaun Baucau,Augusto Ornai Ximenes Informa, tuir relatóriu ezame nasionál provizóriu loron dahuluk Estudante ida husi Eskola Báziku terseiru síklu Filiál Ossoqueli Postu Administrativu Vemasse mak la tuir ezame.
Tanba kondisaun saúde lapermite maibe sei tuir ezame iha emisaun daruak, no na’in ida seluk husi Eskola Sekundariu Santo António(ESA) Teulale Baucau mak kondisaun gravidade tanba ne’e hala’o fali ezame iha edifísiu Servisu Munisipál Edukasaun Baucau,maibe eskola seluk ezame la’o normál.
“provizóriu ezame nasionál la’o di’ak relatóriu tama ona mai mak iha EBF Katólika Ossoqueli mak estudante ida isin manas makaas entaun ami autotiza tuir ezame segunda emisaun loron tuir mai,ida husi eskola Sekundaria Katólika mak problema oituan tanba gravidade maibe ita solusiona mai hala’o ezame iha eskritóriu edukasaun Munisípiu mai seluk la’o di’ak,”
Responsavél SME Baucau afirma, Kalendáriu Ezame Nasional no Lokál hahú (16–23/10)tanba husu esdante finalista kuidadu nafatin saúde no estuda makas nune’e hetan rezultadu pozitivu ka aprovadu iha periodu tinan ne’e.
Iha parte seluk,SME Baucau halo koperasaun servisu ho parte seguransa Komando PNTL Munisípiu hodi destaka membru PNTL na’in tolu kada sentru realizadór EZ hodi fó garante seguransa iha ámbitu ezame no kontrola mos estudante ne’ebé uza motorizada maibé latuir regulamentu tratamentu nian.
“Ami hamutuk ho komando PNTL Munisípiu Baucau liga kestaun seguransa ami husu finalista sira hakmatek hahú ohin 16-23 tuir lei tranzitu nian taka helem,lori dokumentus motór no loron ikus keta uza kanu resin termu seluk halo pawai,”Augosto fó hanoin.
Tuir dadus Estudante Finalista kompostu husi Postu Administrativu neen hanesan Baguia,Laga, Quelicai, Vemase, Venilale no Baucau vila,ensiñu Sekundária hamutuk 2.390, kompostu husi mane 1.037 no feto 1.353.
Ensiñu Tékniku Vokasiónál hamutuk 236 kompostu mane hamutuk 225 no feto 111, ensiñu báziku hamutuk 3.225 kompostu husi mane 1.508 no feto 1.717.
Enkuantu totál Sentru realizadór hamutuk 63 kompostu husi Ensiñu Báziku hamutuk 38, Ensiñu Sekundáriu hamutuk 21 no Tékniku Vokasiónál hamutuk 4.(NT)
